Ministri i Jashtëm i Rusisë, Sergei Lavrov ka thënë se Rusia përkrahë çdo marrëveshje që arrihet vullnetarisht nga Kosova dhe Serbia.
“Siç ka thënë presidentin Vladimir Putin vazhdimisht, ne e përkrahim Serbinë në hapat që gjykon se janë të nevojshëm të ndërmerren brenda korrnizës së rezolutës 1244 të Këshillit të Sigurimit dhe ne do të prëkrahim të gjitha marrëveshjet që arrihet vullnetarisht mes Prishtinës dhe Beogradit”, ka thënë Lavrov në një konferencë për shtyp shkruan Tanjug.
Më 4 shtator, Kosova dhe Serbia arritën marrëveshje për normalizim ekonomik në Shtëpinë e Bardhë në prezencën e presidentit amerikan Donald Trump.
Dy shtetet të hënën kanë vazhduar dialogun e nivelit të lartë në Bruksel, bisedimet mes Avdullah Hotit dhe Aleksander Vuçiqit do të vazhdojnë më 28 shtator në kryeqytetin evropian.
