I dërguari i Bashkimit Evropian për dialogun Kosovë-Serbi, Miroslav Lajçak ka postuar fotografi me negociatorët Skender Hyseni dhe Marko Gjuriq nga takimi i sotëm në Bruksel, raporton Front Online.

Ai në rrjetin social Twitter, ka shkruar se me kryenegociatorët ka diskutuar për pretendimet e përbashkëta financiare dhe pronësore.

“Sapo përfunduam bisedimet e sotme me kryenegociatorët Marko Gjuriq dhe Skender Hyseni mbi pretendimet e përbashkëta financiare dhe pronësore. Diskutimet tona konfirmuar kompleksitetin dhe ndjeshmërinë e çështjes. Do të vazhdojë”, ka shkruar Lajcak.

Gjuriq dje i ka replikuar diplomatit sllovak se për palën serbe në takimin e sotëm do të diskutohet për Asociacionin e komunave me shumicë serbe.

Sot Koordinatori shtetëror për dialogun, Skender Hyseni tha se në takim nuk është diskutuar për Asociacionin edhe pse delegacioni serb ka bërë përpjekje që kjo temë të hapet./Front Online

Just finished today’s talks with the chief negotiators @markodjuric and Skender Hyseni on mutual financial claims and property. Our discussions confirmed the complexity and sensitivity of the issue. To be continued. pic.twitter.com/h50JfX6AjJ

— Miroslav Lajčák (@MiroslavLajcak) September 17, 2020