Kancelari Kurz ka bërë të ditur se numri i infeksioneve në Austri mund të rritet deri në 1 mijë raste në ditë.
Austria po përjeton fillimin e një vale të dytë të infeksioneve me koronavirus. Kështu ka thënë kancelari Sebastian Kurz, ndërsa numri i rasteve të reja po shënon rritje, shkruajnë mediat e huaja.
Nga e premtja deri të shtunën, kombi Alpin me gati nëntë milionë banorë raportoi 869 raste të reja – më shumë se gjysma e atyre në kryeqytetin e Austrisë, në Vjenë.
Kancelari Kurz ka bërë të ditur se numri i infeksioneve në Austri mund të rritet deri në 1 mijë raste në ditë.
“Ajo që po përjetojmë është fillimi i valës së dytë”, citohet të ketë thënë kancelari Kurz në një deklaratë. Ai u ka bërë thirrje popullatës që të përmbahen ndaj masave anti-virus dhe të zvogëlojnë kontaktet shoqërore.
Nga dita e hënë, në Austri janë rikthyer masat për mbajtjen e maskave në secilin dyqan, ndërkohë po nga e hëna të gjithë qytetarët e Vjenës që udhëtojnë për në Zvicër duhet t’i nënshtrohen 10 ditë karantinë (vetizolim), shkruan Albinfo Austria.
