×
  • Lajme
  • Lajme

    KRU “Gjakova” thotë se po manipulohet me shitjen e filtrave të ujit

    FrontOnline
    02 Korrik 2020

    Kompania Rajonale e Ujësjellësit “Gjakova” ka njoftuar konsumatorët kohëve të fundit në nivel vendi është paraqitur një fenomen shqetësues lidhur me manipulimin e shitësve me aparatet e filtrimit të ujit të pijshëm gjë e cila dëmton konsumatorët të cilët furnizohen me ujë të pijes nga kompanitë rajonale të ujit.

    KRU “Gjakova” thotë se është përgjegjëse falë ndërgjegjësimit të konsumatorëve një fenomen i tillë është më pak i dukshëm për të mos thënë fare.

    Gjithsesi KRU “Gjakova” apelon tek konsumatorët që të mos bien pre e manipulimeve duke shpenzuar të holla në këto aparate pasi që cilësia e ujit e cila furnizon zonën e menagjuar nga KRU “Gjakova” i plotëson të gjitha standardet e kërkuara nga IKSHP dhe mekanizmat e tjerë mbikqyrës duke ju siguruar që furnizimi me ujë është i cilësisë më të lartë të mundëshme.

    Të bashkangjitur keni shkresën e nxjerrur nga Këshilli Ndërministror për Ujëra.

    Të nderuar konsumatorë,

    Cilësia e ujit të pijshëm e cila furnizohet përmes sistemit publik të ujësjellësit i cili menaxhohet nga Kompanitë Rajonale të Ujit është e mirë dhe në pajtim me standardet e cilësisë të përcaktuara me aktet ligjore në fuqi. Konstatimi se cilësia e ujit është e mirë është rezultat i monitorimit të cilin e kryen Instituti Kombëtar i Shëndetësisë Publike dhe Kompanitë Rajonale te Ujit.

    Prandaj, ofertat e aparateve për filtrim nga shitësit e këtyre aparateve janë
    dezinformuese duke tentuar që të shkaktojnë dyshime për cilësinë e ujit të sistemit duke pasur per motiv shitjen e këtyre aparateve. Këta shitës, në prezantimin e aparateve të tyre të aparateve të filtrimit qe bëjnë tek qytetarët, tentojnë që t`i bindin ata se uji i sistemit të ujësjellësit është i cilësisë së dobët dhe rrjedhimisht ka nevojë për filtrim shtesë.

    Pra,bëhet fjalë për mashtrim të qytetarëve duke manipuluar përmes demonstrimit se kinse uji nga sistemi i ujësjellësit nuk është i cilësisë së duhur dhe që duhet të filtrohet me aparate të filtrimit. Demonstrimi i “cilësisë së keqe” të ujit të sistemit të ujësjellësit bëhet me elektrolizën e ujit të rubinetit.

    Duke pasur parasysh që uji nga sistemi i ujësjellësit përmban minerale natyrore dhe, në anën tjetër, elektrodat që përdoren pë demonstrim janë metalike, shkaktohet reaksioni kimik i cili jep efektin vizual të turbullimit të tmerrshëm të ujit të rubinetit.

    Duke pasur të gjitha këto parasysh, qytetarët duhet ta kenë të qartë që për ujin i cili furnizohet nga sistemet publike të ujësjellësit nuk ka nevojë për filtrim shtesë.

    Vendosja e aparateve për filtrim përpos që ka kosto, nuk ka asnjë efekt dhe arsyeshmëri shëndetësore.

    Për më tepër, uji i trajtuar me këto aparate ka demineralizim të shkallës
    së palejuar, përçueshmëri të ulët, dhe pH të ndryshuar.

    KEDS zë 156 persona duke e vjedhur energjinë elektrike për një javë
    Nga Rubrika
    Kronika23 Shtator 2023
    Në orët e hershme të mëngjesit është djegur një shtëpi në fshatin Panorc të Malishevës, ku si pasojë e zjarrit ka vdekur...
    Lajme23 Shtator 2023
    Edhe pse e ndaluar me ligj, zjarrvënia e qëllimshme – sidomos pas sezonit të korrje-shirjeve – është shndërruar në dukuri të rrezikshme...
    Kronika23 Shtator 2023
    Policia e Kosovës ka bërë të ditur se orët e para të 22 shtatorit është hedhur granatë dore në oborrin e një...
    Të tjera
    Vip23 Shtator 2023
    Çifti simpatik Geti dhe Marina së fundmi ishin të ftuar në javën e modës në Milano. Ata për këtë event me rëndësi...
    Lajme23 Shtator 2023
    Ministri i Bujqësisë, Faton Peci, ka vizituar fermerin Shkrui Konxheli nga Teqeja e Lipjanit, i cili është përfitues i mbështetjes financiare me...
    Kronika23 Shtator 2023
    2 mijë e 25 gjoba trafiku janë shqiptuar në 24 orët e fundit në vendin tonë. Sipas policisë, gjatë kësaj periudhe kanë...
    Lifestyle23 Shtator 2023
    James Clear, autor i librit popullor “Personal Habits”, së fundmi ka udhëhequr një seri seminaresh që synojnë të ndihmojnë të gjithë të...
    Bota/Rajoni23 Shtator 2023
    Presidenti amerikan Joe Biden, planifikon t’i japë Ukrainës raketa të avancuara me rreze të gjata për të ndihmuar Kievin në kundërofensivë të...
    Kronika23 Shtator 2023
    Është grabitur një punëtor i një poste të shpejtë në Pejë, i cili ka raportuar se i është vjedhur çanta me rreth...

    FrontOnline, © 2023 Të gjitha të drejtat e rezervuara.