×
  • Lifestyle
  • Lifestyle

    Kremi kundër diellit, cilët janë përbërësit e dëmshëm dhe kujdesi që duhet bërë

    FrontOnline
    07 Korrik 2020

    Ekspozimi i tepërt dhe i pambrojtur ndaj diellit është një nga faktorët kryesorë të plakjes së parakohshme dhe dëmtimeve të forta të lëkurës.

    Aplikimi i solucioneve të duhura kundër diellit është hapi i duhur për të mbrojtur lëkurën.

    Megjithatë, një proces i tillë kërkon kujdes, sepse gabimet në aplikimin e këtij sistemi mbrojtës mund të bëjnë më shumë dëm.

    Ajo që duhet të dimë është se dielli e ndihmon organizmin të prodhojë vitaminën D3, që është thelbësore për sistemin imunitar, humorin dhe luftën kundër qelizave të dëmshme.

    Rrjedhimisht ekspozimi në diell duhet të jetë i ekuilibruar dhe i sigurtë.

    Në këtë artikull të AgroWeb.org do të mësoni më shumë për gabimet që mund të jeni duke bërë në dëm të lëkurës.

    Mbrojtje natyrale apo toksike?

    Tregu është i stërmbushur me solucione kundër rrezeve ultravjollcë të diellit.

    Shumica prej tyre ofrojnë një kokteil toksik substancash kimike që e dëmtojnë lëkurën.

    Sipas ekspertëve të fushës, mbi 75% e të gjithë kremërave të shitur në tregun global përmbajnë toksina.

    Substancat toksike në kremërat kundër diellit, të cilat mund t’i verifikoni edhe në solucionin tuaj janë në këtë listë:

    Paraben
    Acid Para amino benzoic
    Octyl salicyclate
    Cinoxate
    Phenylbenzimidazole
    Homosalate
    Menthyl anthranilate
    Octocrylene
    Oxybenzone
    Methoxycinnamate
    Dioxybenzone
    AgroWeb.org rekomandon aplikimin e produkteve natyrale ose me bazë mineralesh të cilat nuk shkaktojnë dëme dhe as alergji.

    Solucionet spërkatëse kundër diellit

    Këto solucione mbartin rreziqe të fshehura.

    Sipas ekspertëve, përbërësit e këtyre spërkatësve janë dëmtues për shëndetin nëse kalojnë në rrugët e frymëmarrjes.

    Koha e aplikimit të kremit

    Kremi kundër diellit duhet vendosur në lëkurë përpara se të dilni nga shtëpia.

    Shumë njerëz presin deri sa të shkojnë në pishinë ose në plazh që të vendosin kremin mbrojtës dhe e bëjnë atë gjithnjë në nxitim e sipër.

    Aplikimi i kremit vetëm gjatë qëndrimit jashtë

    Rrezet e diellit prekin lëkurën edhe kur njeriu është në timon ose i ulur pranë një dritareje.

    Rrjedhimisht, kremi kundër diellit duhet aplikuar çdo ditë rregullisht.

    Kujdes me buzët

    Shumë njerëz shpenzojnë kohë, para dhe energji për të siguruar një mbrojtje sa më të mirë të trupit nga dielli dhe harrojnë buzët.

    Edhe ato kanë nevojë për mbrojtje nga rrezet e dëmshme të diellit.

    Nuk duhen mbajtur shpresat vetëm tek kremi

    Kremërat nuk janë të vetmit që ofrojnë një mburojë të konsiderueshme ndaj rrezeve ultravjollcë.

    Sigurohuni që të mbani kapele.

    Gjatë orëve më të nxehta të ditës, qëndroni në hije.

    Ushqehuni me produkte që rrisin rezistencën e trupit ndaj rrezeve ultravjollcë.

    Këto ushqime janë barishtet, boronicat, çaji i bardhë, rrushi i kuq, salmoni, bajamet, shpargu, farat e kungullit, specat dhe karrotat.

    Dielli është një mik i shëndetit dhe humorit, por gjatë ditëve të nxehta të verës duhet të mbrohemi mirë ndaj tij që mos të kthehet në armik.

    Share Now

    Nga Rubrika
    Bota/Rajoni14 Gusht 2025
    Ministria e Mbrojtjes në Shqipëri ka bërë të ditur se situata e zjarreve atje paraqitet e stabile në disa zona, megjithatë 23...
    Bota/Rajoni14 Gusht 2025
    Pasditen e sotme në fshatin Pirg, në ambientet e një lokali, ka ndodhur një konflikt dyshohet me mjet prerës (thikë) mes dy...
    Bota/Rajoni14 Gusht 2025
    Presidenti amerikan Donald Trump ka thënë se takimi i nesërm i shumë përfolur që do të zhvillohet me homologun e tij rus,...
    Të tjera
    Lajme14 Gusht 2025
    Agjencia e Menaxhimit Emergjent ka njoftuar se gjatë 12 orëve të fundit në Kosovë janë regjistruar 61 vatra zjarri. Nëntë prej tyre...
    Lajme14 Gusht 2025
    Një ngjarje e rrezikshme ka ndodhur mbrëmë në një supermarket të një lagjeje në kryeqytet, ku tri vajza shpëtuan për mrekulli nga...
    Lajme14 Gusht 2025
    Ish-këshilltari i Presidentit Hashim Thaçi, Bekim Çollaku ka deklaruar se marrëveshja e arritur në Bruksel në vitin 2013, ku përfshihej çështja e...
    Lajme14 Gusht 2025
    Mendimi për motin – 14.08.2025 Më shumë vransira kalojnë ditën e premtë në vend, me mundësi të shoqërohen me ndonjë rigë lokale...
    Lajme14 Gusht 2025
    Deri në 30 minuta po zgjasin pritjet për të hyrë dhe dalë në pikën kufitare të Dheu i Bardhë. Kështu tregojnë të...
    Lajme14 Gusht 2025
    Kandidati për kryetar të Prishtinës, Uran Ismaili, ka bërë të ditur se thirrjes së tij publike për t’iu bashkuar ekipit të tij...
    -->

    FrontOnline, © 2025 Të gjitha të drejtat e rezervuara.