Nënkryetari i Kuvendit të Kosovës nga radhët e PDK, Menli Krasniqi, ka kërkuar nga Qeveria që ti sjellin sa më parë në Kuvend nismat ligjore që ka propozuar PDK për rimëkëmbjen ekonomike të vendit në këtë kohë pandemie e mos të bëjnë lojëra politike duke bllokuar tash e sa muaj qindra, mijëra punëtorë të sektorit privat dhe mihëra biznese, raporton Front Online.
“Kjo Qeveri e mashtrimit 2.0 bashkë me Vetëvendosjen i keni sjellur bizneset në buzë të falimentimit dhe qytetarët pa kurrëfar mbështetje”, tha Krasniqi.
Ai tha se opozita e djeshme VV-LDK ka bllokuar me muaj të tërë shtetin duke mos votuar asnjë marrëveshje ndërkombëtare dhe duke bllokuar qindra milionë euro mbështetje evropiane për Kosovën.
Krasniqi tha se qysh në fillim të pandemisë PDK ka sjellur në Kuvend pakon emergjente prej qindra miliona euro për ndihmë bizneseve dhe qytetarëve por VV e LDK e bllokuan.
“Ishit ju që me interpretime teknike e duke pasur mendjen te pushteti, keni penguar procedimin e këtyre ligjeve dhe për shkak të juaj, edhe tani sa muaj pas shpalljes së pandemisë qytetarët s’kanë pranuar ndihmë nga qeveria dhe në vend se t’i sillni këto ligje për t’i votuar këtu, po merrni me tema që nuk janë shumë urgjente, sesa ndihmat për qytetarët tanë dhe bizneset. Cilat janë prioritetet e juaja z.kryeministër? Sot po vërtetohet ajo që po themi qe sa kohë, se kjo qeveri edhe ajo që u shkarkua janë dy anë të së njëjtës monedhë, sepse qasja e tyre ndaj këtyre marrëveshjeve për qytetarët ka qenë e njëjtë. Mirë që kanë ardhur këto marrëveshje, por prioritetet e qeverisë duhet të jenë tjera. Nuk kemi votë për qeverinë e mashtrimit 2.0, ju duhet të sillni ligje që ndihmojnë qytetarët”, tha Krasniqi.
https://www.facebook.com/FrontOnlineMedia/videos/314968459669576/
