×
  • Lajme
  • Lajme

    Kosovari i infektuar me Covid-19 kërcënon dhe shanë ekipin mjekësor në QKMF për t’ia dhënë terapinë

    FrontOnline
    18 Korrik 2020

    Drejtori i QKMF-së në komunën e Prishtinës, Sami Uka, sot ka njoftuar se një person i infektuar me koronavirus, i cili ka refuzuar hospitalizimin, po shkon në derë të QKMF-ve duke kërcënuar e sharë personelin shëndetësor për t’ia dhënë terapinë.

    Sipas Ukës ky person po i rrezikon të gjithë personelin shëndetësor dhe pacientët që janë në QKMF-të duke shtuar mundësia e përhapjes së infektimit të koronavirusit.

    Ai tha se deri tanimë i njëjti person ka shkuar në tri njësi me të njëjtat sjellje për të marrë terapinë.

    “Po këtë si ta quajmë dhe si ta trajtojmë!?

    Zotëria i infektuar me COVID 19 dhe me pneumoni të dyanshme refuzon hospitalizimin, sepse atje nuk mund t’i sigurohet komoditeti i shtëpisë. Kundër çdo rregulli, rekomandimi e udhëzimi, kërkon administrimin e terapisë parenterale në QMF – kujdesin parësor shëndetësorë!!! Nuk mungon arroganca dhe as sjellja përçmuese. Për më keq secilën herë e ndryshon QMF -në ku e kërkon dhe dhunshëm e merrë shërbimin “që të mos bëhet i tepërt”! Deri tani të paktën tre njësi!”, ka shkruar ai.

    Drejtori i QKMF-së në Prishtinë tha se “të kërcënuar, sharë e ofenduar ne edhe ia japim shërbimin por shndërrohemi pa dashje dhe dhunshëm në burim infeksioni”.

    Uka tha që profesionistët shëndetësor të merren në mbrojtje nga shteti me Ligj të veçantë, që do t’u garantonte ushtrimin e sigurt, të drejtë, të pandikuar, të dinjitetshëm dhe profesional të profesionit të vet, në të mirë të shëndetit publik

    “Të paktën 20 mjekë/infermiere potencialisht të infektuar për qejfin dhe teken e një njeriu të pandërgjegjshëm, që fare lehtë mund të jetë nga ata që COVIDIN 19 e konsiderojnë konspiracion dhe trillim. Burri i botës nuk ndalet para asnjë rregulli as parimi. Ai e bënë të fortin me mjekët/infermieret e pambrojtura.

    Të kërcënuar, sharë e ofenduar ne edhe ia japim shërbimin por shndërrohemi pa dashje dhe dhunshëm në burim infeksioni.

    Është koha e fundit, që profesionistët shëndetësor të merren në mbrojtje nga shteti me Ligj të veçantë, që do t’u garantonte ushtrimin e sigurt, të drejtë, të pandikuar, të dinjitetshëm dhe profesional të profesionit të vet, në të mirë të shëndetit publik!”, shkroi ai.

    “Ndryshe nuk është larg dita kur edhe ne do mbyllim dyert e institucioneve tona dhe soji i këtij burrit ‘trim’ do mund të urdhërojë vetëm familjarët e vet t’ia kyçin infuzionin! “Heronjtë” e së sotmes do avullohen prej këtu, jo me fajin e tyre.

    Koha është tani! Nesër do të jetë vonë!”.

    Ndërsa, sipas nenit 18 të Ligjit për parandalimin e sëmundjeve ngjitëse, “Personat që sëmuren ose për të cilët ekziston dyshimi se janë sëmurë nga sëmundjet ngjitëse nga neni

    17. paragrafët 1 dhe 2 të këtij ligji, mund të transportohen vetëm me mjete sanitare të transportit nën

    kushtet që e bëjnë të pa mundshme përhapjen e infektimit”.

    E personi tillë që del nga vetizolimi për shkak që është i infektuar sipas këtij ligj imund të dënohet me gjobë prej 1 mijë euro deri në 2 mijë, për kundërvajtje administrative sanitare.

    Njoftimet nga KEDS për punimet në rrjet
    Nga Rubrika
    Lajme23 Qershor 2024
    Arben Taravari është emëruar ministër i Shëndetësisë në Maqedoninë e Veriut. Kështu ka njoftuar ai përmes një postimi në Facebook. Ai ka...
    Lajme23 Qershor 2024
    Sipas Prishtina Weather, 57mm të reshura u regjistruan në Prishtinë deri në orën 22:00. Në njoftim thuhet se të reshurat e gjithë...
    Lajme23 Qershor 2024
    Pesë udhëtarë janë evakuuar, pasi autobusi me të cilin udhëtonin e kishte të pamundur të qarkullonte shkaku i reshjeve të mëdha të...
    Të tjera
    Lajme23 Qershor 2024
    Kompania Kosovare për Distribuim me Energji Elektrike në Kosovë (KEDS) ka njoftuar se pas reshjeve të shiut disa rajone ka pasur ndërprerje...
    Lajme23 Qershor 2024
    Nënkryetarja e Komunës së Prishtinës, Jehona Lushaku Sadriu, ka kërkuar nga qytetarët që të qëdrojnë nëpër shtëpi dhe vende të sigurta pas...
    Lajme23 Qershor 2024
    Presidenti i Shqipërisë dr. Bajram Begaj, gjatë ditës së sotme ka vizituar Komunën e Junikut ku është takuar me kryetarin Ruzhdi Shehu....
    Lajme23 Qershor 2024
    Deputeti i PDK-së, Xhavit Haliti ka pritur në takim presidentin e Shqipërisë, Bajram Begaj. Haliti përmes disa fotografive të shpërndara në “Facebook”,...
    Lajme23 Qershor 2024
    Kryetari i komunës së Prishtinës, Përparim Rama, ka reaguar pas rreshjeve të mëdha që po mbizotrojnë në qytet. Rama ju ka bërë...
    Sport23 Qershor 2024
    Në prag të ndeshjes vendimtare ndaj Spanjës në Grupin B të Euro 2024, trajneri i Kombëtares shqiptare, Sylvinho, shpreh entuziazmin dhe vendosmërinë...

    FrontOnline, © 2024 Të gjitha të drejtat e rezervuara.