Edhe tetë raste me koronavirus janë konfirmuar dje në Kosovë.IKSHP ka bërë të ditur se nga ky numër i përgjithshëm, tri raste vijnë nga Prishtina, dy nga Gjilani, dy nga Mitrovica dhe një nga Obiliqi.

E bazuar në numrin e përgjithshëm dhe statistikat e deritanishme, Kosova ka edhe 189 raste aktive me COVID-19.

Deri sot, nga analizat e bëra nga laboratore janë konfirmuar gjithësej 870 raste, 653 të shëruar e 28 të vdekur.Statistikat e lartëpërmendura vijnë pas gjithsej 9 mijë e 734 personave të testuar.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.