×
  • Lajme
  • Lajme

    Kosnett: Shkëmbimi i territoreve nuk është ide e ndjekur nga SHBA

    FrontOnline
    22 Qershor 2020

    Ambasadori amerikan në Kosovë, Philip Kosnett, ka thënë se takimi i Washingtonit është mjaft i rëndësishëm në rrugën e dialogut.

    “E para, unë pres spekulime të vazhdueshme deri në fillimin e takimit të shtunën, por edhe pas takimit. Por ashtu, siç e ka shpjeguar edhe kolegu im, ambasadori Grenell, ne presim që fokusi i këtij takimi të jetë në bashkëpunimin ekonomik ndërmjet Kosovës dhe Serbisë, nga i cili do të përfitojnë qytetarët e të dyja vendeve, por edhe rajoni. Ne shpesh kemi thënë se mendojmë se është e rëndësishme që fokusi i dialogut ndërmjet Kosovës dhe Serbisë të jetë ajo se çfarë përfitojnë qytetarët e zakonshëm”, ka thënë ambasadori amerikan, në Rubikon në Klan Kosova.

    Kosnett  ka thënë që fokusi i dialogut në këtë takim, do të jetë ekonomik.

    “Miqtë tanë evropianë, në fillim do të fokusohen në marrëdhëniet politike ndërmjet Kosovës dhe Serbisë. Kam frikë që nuk mund të ofroj më shumë detaje specifike mbi agjendën e së shtunës, duhet të presim dhe të shohim”.

    Sipas Kosnett, fundi i procesit të bisedimeve, do të rezultojë me njohje reciproke.

    “Ky është qëllimi. Qëllimi ynë është të shohim një marrëveshje gjithëpërfshirëse mes dyja vendeve. Se do ta krijojmë hapësirën për marrëdhënie më të mira ekonomike dhe politike të cilat do t’i ndihmojnë qytetarët e të dyja vendeve dhe tërë rajonin, të ndërtojë një të ardhme më të mirë. Edhe pse të gjithë janë të interesuar të dinë se çka do të ndodhë të shtunën, unë do të përmbahem nga spekulimi i detajeve të takimit”, ka thënë ai.

    Kosnett thotë se e kanë bërë të qartë që Shtetet e Bashkuara, nuk janë duke ndjekur idenë e shkëmbimit të territoreve,

    “Ne kemi thënë shumë herë se SHBA-ja  nuk po e ndjek idenë e shkëmbimit të territoreve ndërmjet Kosovës dhe Serbisë, edhe unë e kam thënë këtë shumë herë”.

    “Çfarëdo marrëveshje gjithpërfshirëse ndërmjet Kosovës dhe Serbisë, duhet të ketë mbështetjen e gjerë të qytetarëve të të dyja vendeve dhe është e qartë, e kam thënë edhe më parë, që ka shumë pak interes në Kosovë për shkëmbim të territoreve, dhe ambasadori Grenell e ka bërë shumë të qartë që kjo nuk është ide e ndjekur nga Shtetet e Bashkuara të Amerikës dhe nuk ka qenë asnjëherë qëllim i administratës Trump”, ka thënë ambasadori amerikan.

    Nga Rubrika
    Kronika14 Gusht 2025
    Një grua nga Gjilani ka vdekur derisa kishte qenë duke marrë tretman mjekësor në QKUK dje rreth orës 01:45. Policia tha se...
    Kronika14 Gusht 2025
    Një person është arrestuar pasi ka sulmuar fizikisht babin e tij në Graçanicë. Sipas njoftimit të policisë, i dyshuari ka qenë në...
    Lajme14 Gusht 2025
    Në prag të sezonit të ri të ngrohjes 2025/2026, ndërmarrja publike “Termokos” u është drejtuar qytetarëve të Prishtinës me një letër falënderimi...
    Të tjera
    Lajme14 Gusht 2025
    Të mërkurën në mesnatë është përmbyllur afati për aplikim të subjekteve politike dhe për dorëzimin e listës me emrat e kanidatëve që...
    Lajme14 Gusht 2025
    Profesori i ekonomisë, Shkumbin Misini, në një prononcim për FrontOnline ka komentuar  shpenzimet mbi 1.6 milionë euro për blerjen e veturave nga...
    Lajme14 Gusht 2025
    Kenan Gashi, përfaqësues i shoqërisë civile, në një prononcim për FrontOnline ka reaguar ndaj shpenzimeve të Presidencës, Kuvendit dhe disa ministrive për...
    Lajme14 Gusht 2025
    Deputeti i Lidhjes Demokratike të Kosovës, Paris Guri, i cili kritikon ashpër Qeverinë “Kurti” sa i përket shpenzimeve të luksit, thotë për...
    Lajme14 Gusht 2025
    Përpos shtatë Ministrive të Qeverisë në detyrë që kanë shpenzuar mbi 1.3 milionë euro në blerjen e veturave zyrtare, avazin të tillë...
    Lajme14 Gusht 2025
    I dyshuari për krime lufte në Burim të Malishevës, arrin në gjykatë Ramadan Morina, i dyshuar për krime lufte kundër popullsisë civile,...
    -->

    FrontOnline, © 2025 Të gjitha të drejtat e rezervuara.