Lajme

Komuna e Klinës i del në mbrojtje Thaçit e Veselit

Komuna e Klinës i del në mbrojtje Thaçit e Veselit
16:33 | 26 Qershor 2020

Abstenim s`pati. As kundërshtim jo.

Të gjithë asamblistët e Kuvendit Komunal të Klinës sot unanimisht votuan një deklaratë të përbashkët në përkrahje të Presidentit të Kosovës, Hashim Thaçi dhe Kryetarit të Partisë Demokratike të Kosovës, Kadri Veseli.

Kjo pasi ata besojnë se lufta e Ushtrisë Çlirimtare të Kosovës, në krye të seciles ishin dy figurat e lartëpërmendura, ishte e drejtë.

Mbështetja e tyre erdhi pasi Prokuroria Speciale në Hagë ngriti aktakuzë kundër Thaçit dhe Veselit për vrasjen e afërsisht 100 qytetarëve shqiptarë, romë e serbë, gjatë luftës së fundit në Kosovë.

Deklarata e Kuvendit Komunal të Klinës:

Kuvendi i Komunës së Klinës

Datë 26. 06. 2020

Deklaratë e Kuvendit të Komunës së Klinës

Ne, Kuvendi i Komunës së Klinës, veprimin e datës 25 Qershor 2020 të Zyrës së Prokurorit të Specializuar e shohim si një veprim politik dhe e interpretojmë si të pazakonshëm dhe tejet tendencioz, me një gjuhë tërësisht jozyrtare dhe jo profesionale. Zyra e Prokurorit të Specializuar tregon që është propozuar aktakuzë ndaj Presidentit të Republikës së Kosovës SH.T.Z. Hashim Thaçi dhe Kryetarit të PDK-së, i cili është edhe Deputet i Parlamentit të Republikës, Z. Kadri Veseli, por ligjërisht konsiderojmë që ajo aktakuzë nuk ka asnjë bazë juridike pa u konfirmuar nga Gjyqtari i Procedurës paraprake.

Kuvendi i Komunës së Klinës mbështet luftën e pastër të UÇK-së, duke qenë të bindur se ajo ishte e drejtë. Mbështesim gjithashtu udhëheqësit e saj, Hashim Thaçi, Kadri Veseli dhe gjithë të tjerët që mund të akuzohen në të ardhmen nga kjo Gjykatë.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera