×
  • Lajme
  • Lajme

    Këshilltari i Thaçit ironizon më këshilltarin e Hotit: Si me dorë, krejt shqetësimet m’i hoqe

    FrontOnline
    16 Shtator 2020

    Këshilltari politik i presidentit Thaçi, Adil Behramaj, ka ironizuar më këshilltarin e kryeministrit Hoti, Xhavit Beqiri, i cili duke komentuar deklaratat e presidentit Thaçi, tha se askush nuk duhet të shqetesohet.

    Duke ironizuar me të, Behramaj ka thënë se si me dorë, krejt shqetësimet na i ka hequr ky këshilltari i kryeministrit, që na foli në emër të tij.

    Në fakt, sipas Behramajt, kryeministri dhe klubi i valltarëve të tij janë kah e bëjnë situatën shumë shqetësuese.

    “Nuk ka unitet brenda Qeverisë. Nuk ka kurrfarë bashkëpunimi mes Kryeministrit dhe Presidentit. Nuk ka kurrfarë bashkëpunimi mes Qeverisë dhe opozitës. Garanca që ky këshilltari i kryeministrit Hoti i jep presidentit për dialogun është më së paku fyerje për presidentin. Ajo më së shumti është fyerje për qytetarët e vendit tonë!”, ka shkruar Behramaj.

    Ky është postimi i plotë i këshilltarit të Thaçit:

    Sot, sigurisht as ju nuk keni kurrfarë shqetësimesh. Mua, si me dorë, krejt shqetësimet m’i hoqi ky këshilltari i kryeministrit, që na foli në emër të tij. Edhe koordinim të plotë institucional paskemi, se as këtë nuk e kisha ditur. Në fakt, kryeministri dhe klubi i valltarëve të tij janë kah e bëjnë situatën shumë shqetësuese. Nuk ka unitet brenda Qeverisë. Nuk ka kurrfarë bashkëpunimi mes Kryeministrit dhe Presidentit. Nuk ka kurrfarë bashkëpunimi mes Qeverisë dhe opozitës.

    Mungesa e kohezionit të brendshëm, ku 40 vota shqiptare nuk dihet nëse i ka kjo Qeveri dhe fati i çdo vendimi të saj varet ekskluzivisht nga Lista Serbe, për çdokënd që i kupton pak këto procese do të duhej të ishte shumë shqetësuese. Po ashtu, mungesa absolute e përkrahjes opozitare, sipas së cilës, kryeministri me 25 mijë vota dhe Qeveria e tij nuk kanë fare legjitimitet të na përfaqësojnë, se lërë më edhe të nënshkruajnë marrëveshje të rëndësishme për fatin e Kosovës, sërish do të duhej të ishte shqetësuese.

    Që nga 2014-ta jemi në qorrsokak politik për shkak të këtyre aventurave të papërgjegjshme politike. Prandaj, një marrëveshje e re, që dihet qysh tash se përfundon e pavlerë, sepse mungon uniteti politik dhe për të kërkohen 2/3 e votave në Kuvend, mjegullon dhe zvarrit edhe më shumë perspektiven tonë.

    Garanca që ky këshilltari i kryeministrit Hoti i jep presidentit për dialogun është më së paku fyerje për presidentin. Ajo më së shumti është fyerje për qytetarët e vendit tonë!

    Sponsori gjeneral i PRINCE CAFFE Superligës, shpërblen mbretërit e basketbollit për edicionin 2022/23
    Nga Rubrika
    Lajme01 Mars 2024
    Presidentja e Kosovës, Vjosa Osmani, ka uruar anëtarin e Presidencës së Bosnjës dhe Hercegovinës, Denis Beçiroviq, me rastin e Ditës së Pavarësisë....
    Lajme01 Mars 2024
    Për të shtunën parashikohet të mbajë mot me diell dhe vranësira, ndërsa lokalisht pritet të ketë reshje shiu, të cilat në momente...
    Lajme01 Mars 2024
    Emisari i Bashkimit Evropian për dialogun Kosovë-Serbi, Miroslav Lajçak është takuar sot me presidenten e Vjosa Osmani. Lajçak ka thënë se me...
    Të tjera
    Lajme01 Mars 2024
    Deputeti i Lëvizjes Vetëvendosje, Visar Korenica, ka treguar arsyet kryesore të kundërshtimit të projektligjit për fertilizimin e asistuar apo siç njihet ndryshe...
    Lajme01 Mars 2024
    Kryesia e Lidhjes Demokratike të Kosovës është mbledhur sot për herë të dytë, e ku kanë diskutuar për tetë pika përfshirë atë...
    Bota/Rajoni01 Mars 2024
    Presidenti i Shqipërisë, Bajram Begaj, ka biseduar me ministrin e Brendshëm Taulant Balla, për t’u interesuar mbi ngjarjen e rëndë që ndodhi...
    Lajme01 Mars 2024
    Kryetari i Aleancës për Ardhmërinë e Kosovës (AAK), Ramush Haradinaj, ka uruar bashkëluftëtarin e tij, njëkohësisht mësuesin e devotshëm me rastin e...
    Lajme01 Mars 2024
    Avokati Ardian Bajraktari, duke komentuar vendimin e Gjykatës së Apelit që rasti i vrasjes së Marigona Osmanit të kthehet në rigjykim, tha...
    Lajme01 Mars 2024
    Ish-kryetari i Komunës së Prishtinës, Shpend Ahmeti, e ka kritikuar Qeverinë e Kosovës në lidhje me raportet e saj me Shtetet e...

    FrontOnline, © 2024 Të gjitha të drejtat e rezervuara.