Ministri i Brendshëm i Kosovës, Agim Veliu është takuar sot me këshilltarin politik të emisarit të BE-së për dialogun, Umerr Arthur Al-Khatib.
Në një postim në Facebook, Veliu ka thënë se temë kryesore ishte dialogu mes dy vendeve, e sidomos marrëveshjet që kanë të bëjnë me lëminë e MPB-së.
Veliu ka thënë se Kosova është e përkushtuar për dialog, teksa ministria që ai udhëheq, është e përkushtuar të avancojë çështjet që janë në kompetencë të saj.
Postimi i plotë:
Në takim me z. Umerr Arthur Al-Khatib, këshilltarin politik dhe udhëheqësin e Zyrës së Përfaqësuesit Special të BE-së për Dialogun Prishtinë-Beograd, Miroslav Lajçak, temë kryesore e takimit ishte dialogu në mes të dy shteteve, me theks të veçantë marrëveshjet të cilat ndërlidhen me fushëveprimtarinë e Ministrisë së Punëve të Brendshme.
Kosova është e përkushtuar për dialogun, kurse MPB do të avancojë me një përkushtim të jashtëzakonshëm të gjitha çështjet që janë në kompetencë të saj.
