Lajme

Kandidatët për kryetar në Podujevë gati për zgjedhje, presin PO-në e Presidentit

Kandidatët për kryetar në Podujevë gati për zgjedhje, presin PO-në e Presidentit
17:31 | 15 Shtator 2020

Me 14 mars të këtij viti presidenti Hashim Thaçi i shtyu zgjedhjet e jashtëzakonshme në Podujevë.

Këtë veprim ai e mori si masë preventive për përhapjen e koronavirusit në atë kohë kur në vend u shfaqën rastet e para me këtë sëmundje ngjitëse.

Tash meqë thonë se situata epidemiologjike është përmirësuar, në Vetëvendosje, po e kërkojnë vazhdimisht mbajtjen e tyre, shkruan Front Online.

Sipas kanidatit të saj për kryetar në këtë komunë, Shpejtim Bulliqi, Presidenti nuk ka më asnjë arsye t`i vonojë ato.

“Situata pandemike është relativisht e mirë. Madje shumë shtete të rajonit i kanë mbajtur edhe zgjedhjet qendrore. Presim te zhbllokohet procesi që po e mban peng presidenti i vendit”, theksoi ai për Front Online.

Bulliqi tha se prej fillimi kanë qenë gati për zgjedhje, derisa u shpreh i bindur në fitoren e tij.

“Jemi të gatshëm dhe kemi qenë kështu që nga muaji mars. Nuk kemi fije dyshime për fitoren sepse jemi subjekti më serioz”, tregoi ai për Front Online.

Edhe në PDK po e presin veç PO-në e Presidentit.

Kandidati i saj për kryetar në këtë komunë, Naim Fetahu, i ka të njëjtat fjalë si kundërkandidati i tij nga VV-ja.

Thotë se është përgatitur që moti për zgjedhjet, nga të cilat beson se do të del fitues.

“Presim nga organet se si do te veprohet më tutje. Gjithmone kemi qenë të gatshëm. Kemi bërë pergatitjet e nevojshëm. Gjithsesi besoj në fitore”, tregoi ai për Front Online.

E kundërkanditati i tyre, Nexhmi Rudari, është i sigurt se do ta vazhdojë traditën 20 vjeçare të fitoreve të LDK-së në Podujevë.

“Mendoj që Podujeva që 20 vjet ka votuar drejtë. Podujeva ka besuar djathtas dhe do të vazhdojë të votojë djathtas. Jemi komod dhe shumë të sigurt në fitore”, pohoi ai për Front Online.

Rudari, që si nënkryetar udhëheq aktualisht me komunë e Podujevës, mohoi se i konvenon shtyrja sa më e gjatë e zgjedhjeve.

E nuk dihet edhe sa kohë duhet të presin këta kandidatë për to.

Nga Presidenca nuk kanë kthyer përgjigje se kur i pari i saj e ka në plan t`i shpall ato.

E në KQZ krejt çka po presin është vendimi i të parit të shtetit, meqë thonë se veç janë gati për mbajtjen e tyre.

“Jemi të gatshme. Kjo as që diskutohet. Po e presim veç vendimin e Presidentit”, tregoi kryetarja e këtij komisioni, Valdete Daka.

Zgjedhjet në këtë komunë ishin paraparë të mbahen me 15 korrik shkaku që kryetari i komunës atë botë, Agim Veliu, dha dorëheqje nga ky post për të marrë drejtimin e Ministrisë së Punëve të Brendshme./FRONT ONLINE

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera