Deputetja e Partisë Demokratike e Kosovës, Xhevahire Izmaku, ka reaguar ndaj publikimit të dorëzimit të aktakuzës nga ana e Zyrës së Prokurorit Special për presidentin e Kosovës Hashim Thaçi, dhe ish-kryetarin e Kuvendit Kadri Veseli.

Izmaku tha se kjo nuk po ndodh rastësisht.

“Asgjë s’po ndodh rastësisht e as ky lajm tani! Në mes fakteve pse po ndodh tani kaq befasishëm dhe emocioneve të rënda që po përjetojmë, ende jemi në pritje që të dal e pakonfirmuar zyrtarisht e thëna ‘aktakuze’! Megjithatë, dikush do të jetojë 140 vjet ndoshta, por s’mund ta bartë lavdinë e kësaj fotografie që bart historinë tuaj të lavdishme! UÇK ishte ideali ynë për çlirim e pavarësi, e Ju prijës për çlirim të vendit shpresa jonë për liri! Krenar që jetojmë në epokën Tuaj! P.s (Ata që i gëzohen këtij lajmi, e kanë rastin t”i bashkohen kampeve serbe që sonte do të festojnë anëkënd Serbisë)!”.