Në AAK e kanë ndarë mënden sa i përket çështjes së presidentit.

Nënkryetari Ahmet Isufi ka thënë në “Debat Plus” të RTV Dukagjinit se pretendimi i AAK-së për ta kandiduar Ramush Haradinajn për president është i ligjshëm.

“AAK u ka paraprirë proceseve gjithmonë. Edhe në këtë rast në nuk dëshirojmë që Presidenti të përfundojë para kohe mandatin por kurdo që të vjen në tavolinë kjo temë ne i kemi paraprirë proceseve”, tha ai.

Isufi është shprehur optimist se LDK do ta përkrahë kandidaturën e Ramush Haradinajt për postin e presidentit.

”LDK nuk e ka problem ta përkrahë kandidaturën e zotit Haradinaj pasi ajo ka Kryeministrin dhe Kryetaren e parlamentit. Nuk besoj se LDK ka aq shumë apetite sa ta pretendojë edhe presidentin”.

Nënkryetari tjetër i AAK-së Muharrem Nitaj thotë se kjo parti nuk ka pasur marrëveshje me LDK-në për presidentin prandaj e ka propozuar Haradinajn.

“AAK e ka zgjedh kandidatin e vet. Mos pritni ju që deputetët e Aleancës derisa e kanë një kandidatë të tyre në garë ta votojnë ndokënd tjetër”, ka thënë Nitaj.