×
  • Lajme
  • Lajme

    Hoti premton mbështetje për prodhuesit e Dragashit

    FrontOnline
    02 Gusht 2020

    Gjatë një vizite nëpër bizneset e komunës së Dragashit, kryeministri Avdullah Hoti the se qeveria e tij është e përkushtuar që t’i mbështesë prodhuesit vendor veçmas pas krizës së shkaktuar pandemia.

    Kryeministri Hoti tha se pas miratimit buxhetit të rishikuar tashmë kanë nis përgatitjet që të implementohet edhe Pakos për Rimëkëmbje Ekonomike, në mënyrë që të përkrahen bizneset që janë të prekura nga Covid-19.

    Hoti: Jemi të përkushtuar që planin për rimëkëmbje ta shpërndajmë sa më shpejt

    “Buxheti është miratuar në lexim të dytë dhe është miratuar edhe Fondi për Rimëkëmbje Ekonomike. Ne tash kemi filluar punën dhe ministritë e resorëve të ekonomisë janë duke përgatitur krejt udhëzimet dhe vendimet e nevojshme në mënyrë që Fondin për Rimëkëmbje Ekonomike ta shpërndajmë së më shpejt”, theksoi Hoti.

    Pronari i një fabrike të mishit në Dragash, Burim Piraj ka thënë se pandemia i ka shkaktuar humbje të mëdha në investime dhe prodhim.

    Piraj tha se me gjithë vështirësitë, po ia dalin që mos të largojnë asnjë punëtorë nga puna dhe t’i paguajnë tatimet ndaj shtetit.

    Piraj: Pandemia na ka shkaktuar probleme

    “Diku 15 përqind më pak se pritjet që i kemi dhe po ashtu na u kanë stopua investimet. Pra, pandemia na i ka shtyrë investimet që ishin dashur të bëhen në mars-prill. Por, po mundohemi me ia dalë. Asnjë punëtorë se ka humbur vendin e punës. Detyrimet e shtetit nuk kemi mundur me i paguar me rregull, mirë i kemi përmbushur”, theksoi Piraj.

    Përveç virusit, ai tha se edhe mungesë e energjisë po i shkakton probleme të mëdha në prodhim.

    Gjatë vizitës në këtë komunë, në fabrikën e tekstilit “Inversone”, kryeministri Hoti ka premtuar se shumë shpejt do të nis zbatimi i pakos emergjente fiskale ose masat për pagesat e punëtorëve dhe pagesat për qiratë e bizneseve.

    Hoti: Shpejt do të nisin pagesat për biznese

    “Janë ndikuar nga pandemia, për muajin e parë kanë marrë një mbështetje për punëtorë, tash besoj që menjëherë shpejt sa po të hyjë ligji i buxhetit në fuqi do ta bëjmë edhe pjesën tjetër për të mbështetur këto biznese sa do të vogla, janë të shëndosha me potencial për të deportuar edhe në tregun vendor dhe ndërkombëtar”, tha Hoti.

    Po ashtu, ministri i Tregtisë dhe Industrisë, Vesel Krasnqi tha sesi MTI janë të përkushtuar të sigurojnë mbështetje për bizneset dhe prodhuesit vendor.

    Krasniqi: Në fokus kemi mbështetjen e prodhuesve vendor

    “Ne jemi në fazën e parë të vlerësimit të disa granteve për të cilat kanë aplikuar disa prej bizneseve të vogla dhe të mesme. Po ashtu përmes granteve me Bankën Botërore, sigurisht që do të kemi mundësinë t’i mbështesim bizneset si kjo dhe bizneset tjera, në mënyrë që kështu ta ndihmojmë vendin tonë. Kryeministri së bashku me neve e ka fokus mbështetjen e prodhuesve vendor”, tha Krasniqi.

    Kryeministri po ashtu ka vizituar edhe fermerët e kësaj komune, ku premtoj mbështetje për ta.

    Si të kurseni mbi 350 kilovatë/orë në muaj me një investim të thjeshtë, tregon Idriz Ferati, drejtor i Auditimit në…
    Nga Rubrika
    Lajme14 Prill 2024
    Irani ka kërcënuar çdo vend i cili i mundëson Izraelit që përmes hapësirës së tyre ajore të kryejnë sulme ndaj Iranit. Paralajmërimi...
    Lajme13 Prill 2024
    Ish- kryeinspektori AKI-së, Burim Ramadani menjëherë pas nisjes së dronëve iranian drejt Izraelit u ka bërë thirrje qytetarëve të Kosovës që gjenden...
    Lajme13 Prill 2024
    Irani ka nisi një sulm ndaj Izraelit, duke i përdorur dhjetëra dronë, raporton Front Online. Kryeministri izraelit Benjamin Netanyahu tha se Izraeli...
    Të tjera
    Lajme13 Prill 2024
    Mediat izraelite kanë njoftuar se Irani ka nisur dronë drejt Izraelit. Kjo është konfirmuar nga zëdhënësi i Forcave Mbrojtëse të Izraelit, Daniel...
    Bota/Rajoni13 Prill 2024
    Autoriteti Rregullator i Aviacionit Civil Jordanez ka njoftuar të shtunën se hapësira ajrore e vendit do të mbyllet përkohësisht për të gjithë...
    Lajme13 Prill 2024
    Në organizimin e aktivisteve të shoqërisë civile nga Ferizaj së bashku me përfaqësues nga Komuna e Ferizajt, Policia e Kosovës, përfaqësues nga...
    Lajme13 Prill 2024
    Me qëllim të marrjes së propozimeve vërejtjeve dhe rekomandimeve, Komisioni parlamentar për media, mbajti në Pejë dëgjim publik për projektligjin për KPM-në....
    Lajme13 Prill 2024
    Ministrja e Drejtësisë, Albulena Haxhiu, ka reaguar perseri pas vrasjes së Erona Coklit, 21-vjeçares, nga ish-bashkëshorti i saj në Ferizaj dje, në...
    Lajme13 Prill 2024
    I dërguari i Bashkimit Evropian për Ballkanin Perëndimor, Miroslav Lajçak, ka marrë pjesë në Forumin e Delfit në Greqi. Ai aty ka...

    FrontOnline, © 2024 Të gjitha të drejtat e rezervuara.