Ish-zv.kryeministri Avdullah Hoti, i cili u nominua nga Lidhja Demokratike për të udhëhequr me qeverinë eventuale të re, ka filluar të flas si kryeministër.
Ani pse Gjykata Kushtetuese ende nuk e ka dhënë vendimin e saj lidhur me kushtetueshmërinë e formimit të ndonjë qeverie të re, pa shkuar në zgjedhje, Hoti po shprehet i bindur për një gjë të tillë.Madje, ai po premton që me të filluar punën qeveria e tij, do të ndahen 1 miliardë euro për tejkalimin e gjendjes së krijuar nga pandemia COVID-19.
Shkrimi i plotë nga Avdullah Hoti:
Mbi 1 miliard euro do të mobilizohen për zbatimin e Pakos për Rimëkëmbje Ekonomike të Qeverisë së re.Një pjesë e konsiderueshme e këtyre mjeteve do të futen në ekonomi sivjet, për të mbështetur bizneset që të qëndrojnë në treg dhe të mbajnë punëtorët në punë.
Ndërkaq, në vitet në vijim do të mbështeten investimet private dhe publike që krijojnë vende pune në prodhim, bujqësi, teknologji dhe sektorë me vlerë të shtuar.
Në zbatimin e masave të kësaj pakoje do të përfshihen odat ekonomike, bankat, shoqatat e profesionistëve, institucionet akademike, komunat, investitorë nga diaspora jonë dhe partnerët ndërkombëtar që mbështesin zhvillimin e Kosovës. Legjislacioni i nevojshëm për zbatimin e kësaj pakoje do të procedohet në Kuvend menjëherë pas formimit të Qeverisë së Re.Kjo pako është pjesë e Programit të Qeverisë së Re, që është duke u harmonizuar me të gjithë partnerët e koalicionit qeverisës.
