Kryeministri i vendit Avdullah Hoti, është deklaruar lidhur me fillimin e vitit të ri shkollorë për vitin 2020/2021.

Ai tha se me masterplanin që është miratuar sot në mbledhjen e Qeverisë, janë të përcaktuara qartë udhëzimet dhe kriteret për hapjen e shkollave, raporton Front Online.

“Sot kemi miratuar në Qeveri masterplanin për organizimin e vitet të ri shkollor 2020/2021, në kushtet e pandemisë. Dokumentet që e miratuam sot në Qeveri pra në masterplanin janë mjaft të qarta udhëzimet se si dhe kur hapen shkollat, kriteret që duhet të përmbushen për hapjen e shkollave. Pastaj kriteret që duhet të ndiqen për organizimin dhe procedurat që duhet të ndiqen për mësimin online i cili do të jetë i plotë me një platformë shtesë për nxënësit.

Hoti theksoi se mësimi online do të bëhet edhe në gjuhët e komuniteteve që jetojnë në Kosovë, raporton tutje Front Online.

“Mësimi online do të organizohet edhe në gjuhët e komuniteteve për të mos mbetur mbrapa asnjë nxënës në Kosovë, për sa i përket vitit shkollor”, ka thënë ai. /Front Online

https://www.facebook.com/FrontOnlineMedia/videos/728296377727389/?v=728296377727389&notif_id=1598372504830720&notif_t=live_video_explicit