Deputeti nga radhët e PDK-së, Bekim Haxhiu, ka thënë se me shifrat e fundit të COVID 19 në Kosovë, situata po shkon drejt eskalimit.Ai ka renditur një sërë arsyesh për krijimin e gjendjes me virus në vend.
Derisa ka kritikuar ish-Qeverinë Kurti, Haxhiu ka thënë se qeveria e re duket ‘anemike’ në raport me situatën e krijuar.
Më poshtë mund ta lexoni postimin e tij të plotë në Facebook:
Brenda 48 orëve të fundit 111 të infektuar, 1 i vdekur, 509 raste aktive me COVID-19.
Situata po shkon drejt eskalimit.Në këtë situatë mos respektimi i masave mbrojtëse, organizimi i tubimeve e protestave për qëllime politike, duke rrezikuar shëndetin e popullatës është hipokrizi.
Që nga fillimi i pandemisë kam qenë kritik për mënyrën si është menaxhuar situata me COVID-19 në vendin tonë:
– Vonesat në mbyllje të kufinjëve,
– Keqmenaxhimi i karantinës,
– Hajnia në pandemi, blerje të barnave dhe paisjeve mbrojtëse me çmime abuzive,
– Manipulim me shifrat e rasteve me COVID-19,
– Pranimi i 1000 testeve nga Serbia, favor për përmirësim të imazhit të Serbisë e të Vućiqit
– Lejimi i mjekëve nga Serbia të punojnë pa licencë të punës të Republikës së Kosovës.
– Nënshtrimi i Qeverisë Kurti ndaj Serbisë,
– Vendosja e masave kufizuese në bllok pa bërë analiza specifike për çdo biznes veq e veq, pastaj lirimi i masave pa kritere, pa analizë paraprake,
– Lirimi i masave nga Qeveria Kurti në ora 23:00 pa kriter, për qëllime politike,
– Organizimi i tubimeve me mijëra qytetarë për qëllime politike në kundërshtim me rekomandimet e IKSHPK-së.Për këto arsye sot situata është përkeqësuar dhe është shumë serioze, janë 509 raste aktive me COVID-19, prandaj situata mund të eskalojë.Krahasoni numrin e rasteve në 12 ditëshin e parë të çdo muaji për të vlerësuar situatën në të cilën ndodhemi, rrezikut të përhapjes së COVID-19.
Nga data 01 deri 12 Qershor janë regjistruar 301 raste me COVID-19.
Nga data 01 deri 12 Maj ishin 96 raste me COVID-19.
Nga data 01 deri 12 Prill ishin 218 raste me COVID-19.
Nga data 01 deri 12 Mars, 0 raste me COVID-19.Të nderuar qytetarë, për 120 ditë shteti u udhëhoq nga mashtrues, manipulantë që vidhnin në pandemi, ndërsa me video mesazhe shtireshin se gjoja brengoseshin për shëndetin e popullatës.
Sot kur kanë rënë nga pushteti, rrezikojnë seriozisht shëndetin e popullatës duke organizuar tubime për ambicie pushteti, nuk ka më kujdes as mesazhe për ruajtje të shëndetit.Qeveria Hoti duket anemike në raport me situatët që i është servuar nga ata qe nga pushteti u larguan.Për qellime politike, për pushtet po rrezikohet shëndeti i popullatës.
