Anëtari i LDK-së, Astrit Haraqija, është deklaruar pas dorëzimit të aktakuzës nga Prokuroria Speciale ndaj presidentit, Hashim Thaç.

Haraqija ka thënë se Thaçi ka qenë njeriu që e ka luftuar më së shumti Ibrahim Rugovën, por thotë se si shqiptar në këto momente është me Thaçin.

“Sinqerisht s’kam dashtë të merrem me folklor si një pjesë, njeriun që ka luftuar zoti Thaçi më së shumti ka qenë Presidenti Rugova pas tij s’ka tjetër përveç meje deri 2006 kuptohet politikisht”.

“Por këtë moment unë si shqiptarë jam Hashim Thaçi , a ka bo a s’ka bo jam i sigurt që se keni provuar lëkurën si unë , por bollë bre nuk është fer këtë kohē mi ra, i madhi fal , i madhi lëshon rrugë, kujt bre po ja bëjmë qefin për inate personale, ARMIKUT. Hera parë pas 2000 viteve jemi shtet…..”, ka shkruar Haraqija në rrjetin social Facebook.

Thaçi sot në mbrëmje për herë të parë do të deklarohet para qytetarëve pas dorëzimit të aktakuzës nga e mërkura e kësaj jave.