Kryetari në detyrë i AAK-së, Ramush Haradinaj, ka uruar nxënës dhe mësimdhënës për nisjen e vitit të ri shkollor.

“Është një shtator ndryshe nga vitet e tjera. Me sfida që nuk i kemi përjetuar më parë, do e fillojmë një vit të ri shkollor, me masa e kujdes të shtuar. Duke përgëzuar Ministrinë dhe drejtoritë komunale të arsimit, uroj që ky vit shkollor të jetë i mbarë e i suksesshëm”, është shprehur ai, transmeton Klan Kosova.

“Veçanërisht uroj ata fëmijë, që sot për të parën herë ulen në bankat e shkollës!”.

“Bashkëpunimi dhe bashkërendimi i stafit edukativo-arsimor, prindërve dhe organet përgjegjëse për arsim, nuk ka qenë kurrë më i domosdoshëm. Ta kalojmë edhe këtë sfidë me sukses, për hir të ardhmërisë së gjeneratave tona të reja”.

https://www.facebook.com/RamushHaradinajOfficial/posts/2077278732396530