Nënkryetari i OVL-së së UÇK-së, Nasim Haradinaj, ka folur në seancën e parë ndaj tij në Gjykatën Speciale.
Ai ka thënë se nuk e njeh këtë gjykatë, të cilën e ka quajtur me afat të skaduar.
“Nuk e kam njohur këtë gjykatë, nuk e njoh dhe nuk do ta njoh. Tash jeni me afat të skaduar pas 2 gushtit. Nuk flas më nëse nuk më lini tash të flas. Kemi 155 mijë nënshkrime nga popullata në Bruksel se kemi kundër kësaj gjykate”, ka thënë Haradinaj.
“Faqezinjtë e vendit tim e kanë sjell popullin këtu për rroga të vetat. E ndjej veten që jam padrejtësisht këtu. Keni thyer Kushtetutën e vendit tim dhe çdo ligj njerëzor. Edhe 500 milionë vjet të më dënoni, janë 500 mijë njerëz që mendojnë si unë. S’mund ta ndali fjalën e tyre të lirë. Si 15 vjeçar jam dënuar për mendim të lirë nga regjimi i Millosheviqit. Nuk i biem pishman”.
“Kemi luftuar dhe luftojmë për të drejtën minimale njerëzore: shprehjen e mendimit të lirë”.
“Më këtu nuk bisedoj”.
