Një grua që humbi babanë e saj në Coronavirus e kritikoi presidentin në natën e parë të Konventës Kombëtare Demokratike, duke deklaruar në një fjalim të theksuar se “e vetmja sëmundje ekzistuese e babait të saj ishte se besonte tek Donald Trump”, shkruan CNN.

Kristin Urquiza, babai i së cilës,Mark Urquiza vdiq nga virusi në qershor, tha në një video-mesazh të hënën në mbrëmje se “pagoi me jetën e tij” duke i besuar insistimit të përsëritur të presidentit që pandemia do të largohej.

“Coronavirusi ka dëshmuar se ekzistojnë dy Amerika: Amerika ku jeton Donald Trump dhe Amerika në të cilën vdiq babai im”, tha ajo.

“Mjafton. Donald Trump mund të mos e ketë shkaktuar Coronavirusin, por pandershmëria dhe veprimet e tij të papërgjegjshme e bënë atë edhe më keq”.

Kristin Urquiza, who lost father to Covid-19: ‘His only preexisting condition was trusting Donald Trump’ – CNNPolitics
Komentet shënuan një nga momentet më të therëse të natës ndërsa demokratët nisën DNC me një ngjarje virtuale dy-orëshe të ndërtuar mbi një temë uniteti.