Aeroporti Ndërkombëtar i Prishtinës ka njoftuar se nesër dhe pasnesër do të bëhen dy fluturime nga Prishtina, njëri për në Cyrih dhe tjetri për në Shtutgart.
Përmes një njoftimi për media Aeroporti ka njoftuar se këto dy fluturime do të bëhen me daatën 15 dhe 16 maj, përcjell Gazeta Insajderi.
“Ju njoftojmë se fluturimet si në vijim janë planifikuar gjatë kësaj jave: 15 Maj/një fluturim GM 6043 Prishtinë-Zurich (ora 11:50) CHAIR 16 Maj/ një fluturim EW5713 Prishtinë – Stuttgart (ora 15:45)”, thuhet në njoftim.
Ndër tjera në njoftimin e aeroportit thuhet se “për fluturime në kthim ju lusim që të adresoni pyetjet tuaja në Ambasadën e Kosovës në shtetin ku ndodheni, ndërsa për bileta kontaktoni drejtpërdrejt Kompanitë Ajrore dhe Agjencionet”.
“Për më tej, ju lusim që të keni mirëkuptim dhe për dokumente udhëtimi kontaktoni autoritetet relevante dhe përcillni informacionin e Ambasadave/Zyreve të Huaja në Kosovë në faqet e tyre zyrtare”, thuhet në njoftimin e aeroportit.
