Policia e Kosovës po vazhdon me aksionin e saj për të mbikëqyr respektimin e masave kundër përhapjes së koronavirusit.

Drejtori i Përgjithshëm i Policisë së Kosovës, Rashit Qalaj, ka thënë për Gazetën Sinjali se gjatë ditës së sotme nga ora 07:00 e mëngjesit deri në ora 19:00 në mbrëmje Policia e Kosovës ka shqiptuar 1 mijë e 225 gjoba ndaj qytetarëve, ndërsa janë bërë edhe 199 vërejtje.

Qalaj tutje ka thënë se aksioni i Policisë së Kosovës së bashku me inspektorët po vazhdon nga ora 20:00.

“Më datë 23.08.2020 nga ora 07:00-19:00 nga policia janë shqiptuar 1 mijë e 225 forma për Inspektoratin Sanitarë dhe janë dhënë 119 vërejtje ndaj qytetarëve e bizneseve. Nga ora 20:00 vazhdon aksioni i përbashkët me inspektoratin për të mbikëqyrur respektimin e masave dhe zbatimin e vendimeve të Qeverisë”, ka thënë Rashit Qalaj.