Komuna e Obiliqit është renditur ndër komunat e para me performancën më të mirë në Grantin e Performancës të Ministrisë së Administratës dhe Pushtetit Lokal për vitin 2019.
Me këtë rast, kryetari Gashi, ka falënderuar ekzekutivin dhe zyrtarët komunal për punën dhe angazhimin e po ashtu ka falënderuar qytetarët dhe institucionet për vlerësimin.
Shkrim i plotë i Gashi:
“Të nderuar qytetarë,
Kam kënaqësinë të ndajë me ju lajmin se jemi renditur ndër komunat e para me performancën më të mirë në Grantin e Performancës të Ministrisë së Administratës dhe Pushtetit Lokal për vitin 2019.
Përkushtimi ynë në ngritjen e cilësisë së shërbimeve komunale dhe ofrimi i qeverisjes transparente po vazhdon dhe për këtë dëshmitari më i miri është qytetari i Obiliqit.
Falënderoj ekzekutivin dhe zyrtarët komunal për punën e madhe dhe angazhimin, qytetarët dhe institucionet për vlerësimin!
Urime të gjithë qytetarëve të Obiliqit!
