Drejtori i Shëndetësisë në komunën e Prishtinës Bujar Gashi, ka njoftuar se nga data 20 mars janë shënuar 900 raste me Covid-19.
Gashi tha se janë 654 raste aktive në komunën e Prishtinës.
Sipas tij janë 241 raste janë shëruar nga koronavirusi, dhe zyrtarisht pesë raste kanë përfunduar me fatalitet.
“Bazuar në të dhënat e marra nga IKShP dhe raportin e konsoliduar nga Shtabi Emergjent në Prishtinë del se momentalisht, që nga data 20 Mars deri sot kemi 900 raste me #covid19 prej të cilave 654 raste janë ende aktive. Kemi 241 raste të shëruara dhe zyrtarisht të konfirmuara 5 raste që kanë përfunduar me fatalitet”.
Njoftimi i plotë:
Qytetarë të nderuar,
Kohëve të fundit jemi dëshmitarë të rritjes së shpejtuar të rasteve me
#covid19 në vend e në veçanti në Prishtinë.
Bazuar në të dhënat e marra nga IKShP dhe raportin e konsoliduar nga Shtabi Emergjent në Prishtinë del se momentalisht, që nga data 20 Mars deri sot kemi 900 raste me
#covid19 prej të cilave 654 raste janë ende aktive.
Kemi 241 raste të shëruara dhe zyrtarisht të konfirmuara 5 raste që kanë përfunduar me fatalitet.
Ju lusim shumë që bashkë të vazhdojmë me kujdes të shtuar, në mënyrë që të parandalojmë përhapjen e mëtutjeshme dhe rëndimin e situatës edhe më shumë.
Të gjithë e kemi obligim që të ruajmë veten dhe të tjerët rreth nesh e të jemi të ndërgjegjshëm.
Sepse vetëm
#bashkë mund të e tejkalojmë këtë sfidë!
Vazhdoni t’i mbani maskat, dezinfektoni duart dhe mbani distancë!
