Lajme

FSSHK: Kryeministri Hoti politizoi përfaqësimin sindikal me ish-kandidat për deputet nga partia e tij

FSSHK: Kryeministri Hoti politizoi përfaqësimin sindikal me ish-kandidat për deputet nga partia e tij
10:29 | 23 Qershor 2020

Federata e Sindikatave të Shëndetësisë ka reaguar pas miratimit të Komisionit Ekzekutiv për menaxhimin e pandemisë nga Qeveria e Kosovës ku janë anëtarësuar rreth 20 përfaqësues të punëtorëve shëndetësorë.

“Federata e Sindikatave të Shëndetësisë së Kosovës pas njoftimit të marr nga mediat mbi Vendimet e Qeverisë Hoti ku ndër të tjera është votuar themelimi i Komisionit Ekzekutiv për luftimin, monitorimin dhe reagimin ndaj Sars Cov2-COVID-19 nga ana e Zyrës së Kryeministrit, shpreh indinjatën e saj në lidhje me përfaqësimin e punëtorëve shëndetësor në këtë Komision”.

“FSSHK që nga fillimi ka vërejtur se Kryeministri Hoti ka politizuar përfaqësimin sindikal duke i ftuar individë – ish kandidat për deputet nga radhët e partisë së tij në takime e organizime të tilla”, thuhet në reagimin e FSSHK-së.

Kjo Sindikatë ka deklaruar se përfaqëson mbi 11 mijë punëtorë shëndetësorë, dhe si e tillë ka thënë se “tani e tutje nuk merr përgjegjësi për veprimet të cilat do ti ndërmerr ky Komision me përfaqësues të cilët mbrojnë interesat e ngushta politike partiake e assesi interesat e punëtorëve shëndetësor”.

Komisioni Ekzekutiv përbëhet nga këta anëtarë: Visar Berisha, Këshilltar i Kryeministrit, kryesues; Pleurat Sejdiu, Oda e Mjekëve të Kosovës, Naser Rrustemi, Oda e Infermierëve të Kosovës, Fitim Havolli, Sindikata e Infermiereve të Kosovës, Blerim Kamberi, Oda e Stomatologëve të Kosovës, Arianit Jakupi, Oda e Farmacistëve të Kosovës, Naser Ramadani, Shoqata e Epidemiologëve të Kosovës, Lul Raka, Shoqata e Mikrobiologëve të Kosovës, Lindita Ajazaj Berisha, Klinika Infektive QKUK-SHSKUK, Valbon Krasniqi, Klinika Infektive QKUK-SHSKUK, Dukagjin Zogaj, Klinika e Alergologjisë QKUK-SHSKUK, Naser Syla, Qendra Emergjente QKUK-SHSKUK, Lulzim Emini, Asociacioni Kosovar i Anesteziologëve të Kosovës, Burim Neziri, Instituti i Patofiziologjisë, Fakulteti i Mjekësisë, Rinë Limani Instituti i Patologjisë, Fakulteti i Mjekësisë, Burim Seferi, Kryqi i Kuq i Kosovës, Iliriana Bajraktari, Përfaqësues nga Shoqata e Pulmologëve të Kosovës, Përfaqësuesi nga Shoqata e Transfuziologëve të Kosovës, Përfaqësues nga Shoqata e të Drejtave të Pacientëve në Kosovë, Përfaqësues nga Kolegjiumi i Drejtorëve të Shëndetësisë në Komuna

Prince Caffe shpërblen për festa Fitoren me veturë Fiat 500

Të tjera