Ford Motor Company njoftoi sot se planifikon të eliminojë 1.400 vende pune me paga fikse në Shtetet e Bashkuara deri në fund të vitit, si pjesë e një programi ristrukturimi shumëvjeçar me vlerë 11 miliardë dollarë.
Shkarkimet do të kryhen në bazë të largimeve vullnetare, së bashku me pagën e ndërprerjes, e cila gjithashtu do t’u ofrohet punonjësve që plotësojnë kushtet për pension, deklaroi prodhuesi amerikan i makinave në një e-mail dërguar punonjësve, raporton Reuters.
Kompania, me qendër në Dearborn, Michigan, njoftoi më parë se pret një humbje këtë vit për shkak të ndikimit të pandemisë së virusit korona.
Ai vlerëson se fitimi i tij para taksave do të jetë midis 500 milionë dollarë dhe 1.5 miliardë dollarë në tremujorin e tretë dhe pret një humbje në tremujorin e katërt, kur do të lansojë disa modele të reja automjetesh.
Vitin e kaluar, Ford shkurtoi 7.000 vende pune me paga fikse (paga e plotë, pavarësisht nga orët e punës) në të gjithë botën, duke synuar gjithashtu 12.000 pushime shtesë nga puna dhe mbylljen e impianteve në Evropë.
