8 anëtarë të një familje janë konfirmuar me Coronavoirus mbrëmë në fshatin Milloshevë në komunën e Obliqit.
Të konfirmuarit janë familjarë të punëtorit të rezultuar pozitiv në Korporatën Energjetike të Kosovës (KEK) si dhe të 5 rasteve tjera që para dy ditëve rezultuan pozitive, raporton Front Online.
Në mesin e të infektuarve ka edhe fëmijë. Lajmin për Front Online e ka konfirmuar Vlora Kabashi drejtoresh e Shëndetësisë në Komunën e Obiliqit.
“Dje kemi pasur 8 raste të reja me Covid-19, që janë të gjitha nga fshati Milloshevë, Komuna e Obiliqit. Rastet e rezultuara pozitive janë familjarë të punëtorit të rezultuar pozitiv në Korporatën
Energjetike të Kosovës (KEK), si dhe të 5 rasteve të tjera të rezultuara pozitive para dy ditësh”, ka thënë ajo për Front Online.
Kabashi ka theksuar se 8 rastet e konfirmuara me Covid-19 në Milloshevë deri më tani nuk kanë asnjë shenjë të këtij virusi.
“Gjendja e tyre shëndetësore është mjaft e qetë dhe stabile. Nuk kanë asnjë shenjë të virusit Covid-19”, tha Kabashi duke shtuar se Ekipi mjekësor i Qendres së Mjekësisë Familjare aktualisht ndodhet në shtëpinë e tyre ku edhe janë vetizoluar.
Familja e lartpërmendur po ashtu është furnizuar me pako ushqimore dhe higjienike.
“Familjet janë në vetizolim dhe kane mjaft mirë me shëndet, nuk kanë asnjë shenjë të Covid-19. Në mesin e të infektuarve ka edhe fëmijë, janë familjarë dhe e infektuar është komplet familja”, ka thënë tutje ajo për Front Online.
