Njohësi i çështjeve të sigurisë, Fadil Kajtazi, ka thënë se Ushtria Çlirimtare e Kosovës nuk ka nevojë që të mbrohet me ligj të veçantë sepse vlera e saj është e mbrojtur mjaftë mirë.

Në emisionin Info Magazine në Klan Kosova, ai ka thënë se mision i UÇK-së ka qenë liria, demokracia dhe pavarësia dhe se ligji për mbrojtjen e saj do të zhvishte nga ky mision.

“Unë nuk e kam lexuar ligjin, por një gjë jam i bindur thellë: Ushtria Çlirimtare e Kosovës objektiv të saj e ka pasur lirinë, demokracinë dhe pavarësinë”.

“UÇK nuk ka pasur platformë për zhdukjen apo shfarosjen e një populli tjetër. Aty ka pasur individë që kanë qenë të infiltruar për me ia dhënë një fytyrë tjetër UÇK-së në raport me atë se për çfarë e ka pasur misionin”.

“Unë mendoj që nëse aprovohet ky ligj, ia heq UÇK-së atë misionin dy: lirinë dhe demokracinë – e zhvesh nga kjo”.

“Mendoj se vlera e UÇK-së është e mbrojtur mjaft mirë – nuk ka nevojë ligj që të mbrohet UÇK-ja. Nëse ka nevojë UÇK të mbrohet me ligj, zhvishet nga ajo që e ka pasur për mision”.