Lajme

Ekrem Mustafa: Aksioni në Karaçevë u planifikua në kohën kur isha ministër

Ekrem Mustafa: Aksioni në Karaçevë u planifikua në kohën kur isha ministër
11:24 | 22 Shtator 2020

Ish-ministri i Punëve të Brendshme (MPB), Ekrem Mustafa, që ishte në këtë detyrë deri në shkurt të këtij viti, ka folur për Front Online lidhur me aksionin në Karaçvevë ku u rrënuan kazinot ilegale.

Mustafa ka thënë se ky aksion ka qenë i planifikuar më parë dhe sipas tij, ka qenë i suksesshëm.

“Aksioni ka qenë i planifikuar, fatmirësisht ka kaluar shumë mirë”, ka  thënë Mustafa për Front Online.

Mustafa ka treguar se ky aksion ka qenë i planifikuar në tetor ose nëntor të viti të kaluar.

“Ka filluar që një vit, ka qenë i planifikuar diku në tetor ose në nëntor”, është shprehur Mustafa për Front Online.

Ndër të tjera ish- ministri Ekrem Mustafa ka thënë se për të ky aksion ka kaluar me sukses pasi për të e rëndësishme është që asnjë polic nuk është lënduar.

“Për mua kanë qenë prioritet jetët e zyrtarëve policorë që të mos ketë humbje të jetëve të zyrtarëve policorë”, ka thënë ai.

Gjykata të hënë ka marrë vendim për 30 të arrestuar ku u ka caktuar masën e paraburgimit për 30 ditë, nga ta 12 janë zyrtarë policorë./Front Online/

 

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera