E quajti ofendim për qytetarët zgjedhjen e tij ministër të MSH-së, Zemaj i reagon Kusari-Lilës

Ministri i Shëndetësisë Armend Zemaj i është përgjigjur akuzave të Mimoza Kusari- Lilës rreth zgjedhjes së tij në pozitën aktuale të cilën ajo e kishte cilësuar ofendim për qytetarët e vendit.

Zemaj ka reaguar ndaj Kusari-Lilës duke e quajtur ‘e akuzuar nga Prokuroria Speciale për krim të organizuar për shitjen e pasurisë së qytetarëve të Kosovës, njofton Klan Kosova.

‘’E akuzuara nga Prokuroria Speciale e Republikës së Kosovës, znj. Mimoza Kusari (aktakuzë pran Gjykatës Themelore në Prishtinë, Departamenti Special) për krim të organizuar për shitjen dhe privatizimin kriminal të katër hidrocentraleve, pasuri e qytetarëve të Kosovës, e paska quajtur ofendim për qytetarët e vendit, zgjedhjen e një juristi në krye të MSh-së.

Tani çka quajmë ofendim: të qenurit jurist i njohur apo të lavdërohesh nga kaskaderët politik dhe të akuzuarit për krim, zhvatje e korrupsion?

Qytetarë të vendit tim, edhe një motiv shtesë për mua që të punojmë me shumë në avancimin e sistemit shëndetësor të Kosovës’’.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Sponsoruar