Që nga dita e djeshme ka filluar të digjet deponia e mbeturinave në Gjakovë.
Në videot e dërguara nga lexues të Front Online shihet që pranë kësaj deponie po rrezikohen edhe kafshët të cilat janë në afërsi të kësaj deponie si dhe po shkaktohet ndotja e ajrit për shtëpitë që janë për rreth këtyre mbeturinave.
Lidhur me këtë, gjatë ditë së djeshme ka reaguar edhe deputeti nga radhët e Vetëvendosjes, Agon Batusha, i cili ka kërkuar një zgjidhje për këtë deponi.
Batusha në llogarinë e tij në Facebook ka shkruar se vitin e kaluar kryetari i kësaj Komune, Ardian Gjini pati premtuar që nuk do të tolerohen veprime të tilla, shkruan më tutje Front Online.
Postimi i plotë i Batushës:
Stacioni Transfer i Mbeturinave në Gjakovë po digjet tash e 5 orë.
Kjo gjendje është e patolerueshme, e papranueshme dhe e dënueshme.
Duhet bërë diçka, duhet gjendur zgjidhja.
Viteve të fundit, çdo verë mbeturinat e Komunës së Gjakovës digjen duke liruar toksina helmuese për të gjithë banorët e qytetit dhe fshatrave përreth.
Vitin e kaluar, kryetari i komunës premtoi që nuk do kemi më kësi helmimesh, por ja që situata mbetet e njëjtë.
