×
  • Lajme
  • Lajme

    Dështon takimi i Washingtonit, planifikonte të përfshihej edhe Shqipëria

    FrontOnline
    26 Qershor 2020

    Publikimi i aktakuzës ndaj presidentit Hashim Thaçi e ka dështuar takimin e planifikuar të mbahet në Shtëpinë e Bardhë më 27 qershor. Pas presidentit, i cili e njoftoi emisarin amerikan Richard Grenell se nuk do të jetë pjesë e takimit, pjesëmarrjen e ka anuluar edhe kryeministri Avdullah Hoti me arsyen se i duhet ta menaxhojë situatën në vend pas njoftimit se të akuzuarit e parë mund të jenë Hashim Thaçi dhe Kadri Veseli. Aktakuza duhet të konfirmohet nga një gjyqtar i procedurës paraprake pranë Dhomave të Specializuara. E presidenti Thaçi ka vazhduar heshtjen.

    I dërguari i posaçëm i Shteteve të Bashkuara të Amerikës për dialogun Kosovë-Serbi ka thënë se e mirëkupton vendimin e kryeministrit Avdullah Hoti për anulim e pjesëmarrjes në takimin e planifikuar për 27 qershor në Shtëpinë e Bardhë.

    “Faleminderit kryeministri Hoti. E kuptojmë vendimin tuaj dhe presim të ricaktojmë takimin së shpejti”, ka shkruar Grenell në “Twitter”, si përgjigje e postimit të Hotit ku kishte shkruar se “për shkak të zhvillimeve në Prishtinë i duhet të kthehet në vend që të merret me situatën”.

    Në anën tjetër, zyrtarë nga Beogradi kanë thënë se takimi u anulua pas konsultave të presidentit Vuçiq me emisarin amerikan, shkruan KOHA Ditore.

    Hoti planifikonte të udhëtonte për në ShBA pas vizitës së parë zyrtare në Bruksel.

    Me gjithë anulimin e takimit, Hoti ka thënë nga Brukseli se dialogu nuk ndalet dhe se nuk ka alternativë.

    E shefi partiak i Hotit, Isa Mustafa, e ka arsyetuar anulimin e takimit në Washington duke thënë se rinisjes së negociatave duhet t’i paraprijë një takim mes të gjithë liderëve.

    “Për në Washington u nis delegacioni shtetëror i Kosovës me vullnetin më të mirë, por u nda përgjysmë sa ishte në aeroplan. Në Washington shkohet me përkrahje të partive të koalicionit dhe të opozitës, sikurse edhe të të gjitha institucioneve shtetërore, jo vetëm me bindjen se kush duhet t’i prijë delegacionit”, ka shkruar kryetari i LDK-së, Isa Mustafa.

    Njoftimet nga KEDS për punimet në rrjet, vendet që do të mbesin pa rrymë
    Nga Rubrika
    Lajme12 Prill 2024
    Shefja e UNMIK-ut, Caroline Ziadeh, ka thënë se rasti i fundit i femicidit në Kosovë paraqet një rast tjetër të mjerueshëm të...
    Lajme12 Prill 2024
    Dy persona janë përleshur fizikisht mes vete sot në Prishtinë. Sipas faqes “Vrojtuesit e lagjes – Prishtinë”, rasti ka ndodhur në rrugën...
    Lajme12 Prill 2024
    Deputeti i PDK-së, Enver Hoxhaj, është zgjedhur anëtar i Akademisë Shqiptare të Arteve dhe Shkencave. Ketë e ka bërë të ditur vetë...
    Të tjera
    Bota/Rajoni12 Prill 2024
    Rreth 40 lëshime raketash janë identifikuar duke kaluar nga Libani, tha ushtria izraelite. Në një postim në Telegram, Forcat e Mbrojtjes së...
    Lajme12 Prill 2024
    Në shenj revolte dhe reagimi për vrasjen e 21-vjeçares në Ferizaj, Kolektivi Për Mendim dhe Veprim Feminist, të hënën në orën 17:30...
    Lajme12 Prill 2024
    Presidentja e Kosovës, Vjosa Osmani ka reaguar për ngjarjen e rëndë që ka ndodhur sot në Qendrën për Punë Sociale në Ferizaj,...
    Lajme12 Prill 2024
    Avokati Azem Vllasi, thotë se shtetet perëndimore po e tolerojnë presidentin serb, Aleksander Vuçiqin, kjo për arsye që ai të mos shkojë...
    Sport12 Prill 2024
    Ulpiana dhe Vllaznia e Pozheranit përjashtohen nga Liga e Parë. Vendimi është marrë nga Komisioni Disiplinor dhe i Etikës i shkallës së...
    Lajme12 Prill 2024
    Kryetari i PDK-së, Memli Krasniqi, ka reaguar pas vrasjes së 21-vjeçares në Ferizaj dhe plagosjes së 15-vjeçarit. Krasniqi tha se ajo ishte...

    FrontOnline, © 2024 Të gjitha të drejtat e rezervuara.