Deputeti i Lidhjes Demokratike të Kosovës Faton Bislimi, në emisionin Info Magazine në Klan Kosova ka folur edhe për vizitën që kryeministri Avdullah Hoti, do ta ketë në Bruksel më 25 qershor dy ditë para se të udhëtojë në Washginton.

Bislimi tha se këto dy takime do të i japin drejtim dialogut me Serbinë.

“ Republika e Kosovës edhe në takimin në Bruksel por edhe në Washington më 27 qershor do t’i japë drejtim dialogut me Serbinë. Dhe jo vetëm kryeministri Hoti por edhe kushdo që del jashtë kornizave kushtetuese, marrëveshja do të jetë e papranueshme.Kosova ka fat historik që ka miqësi me Shtetet e Bashkuara të Amerikës. Pjesë e diskutimit në Washington do të jetë aspekti ekonomik tash siç dihet agjenda”.

Ai theksoi se të gjithë duhet të japin kontributin e tyre për të mirën e vendit.

“Unë nuk besoj që kryeministri Hoti është i papërgatitur. Të gjithë ata që thirren se janë në shërbim të popullit duhet të japin kontributin e tyre për të mirën e vendit. Qytetarët e Kosovës e dinë për miqësinë me Shtetet e Bashkuara. Ne do ta vazhdojmë miqësinë më SHBA-të”.