Sot është mbajtur mbledhja e radhës e Komitetit për menaxhimin dhe parandalimin e përhapjes së COVID-19 në Gjilan, e cila është udhëhequr nga nënkryetari, Arbër Ismajli.
Ismajli ka njoftuar për rënien e rasteve aktive me COVID-19 dhe të të hospitalizuarve. Ai tha se tashmë janë vetëm 65 raste aktive me virus dhe 11 pacientë të shtrirë në Spitalin e Përgjithshëm të Gjilanit.
“Ndërkaq, pasqyra e përgjithshme e përballjes me pandeminë është kjo: 1015 të infektuar në total, 906 të shëruar plotësisht dhe 44 të vdekur”, thuhet në njoftimin e komunës.
