Zëvendëskryeministri në detyrë, Besnik Tahiri thotë se është habitur nga vendimi i Kushtetueses.
Kjo pasi që një deputet u mori mandatin 119 deputetëve të tjerë, thotë ai.
Por Tahiri thotë se nuk kanë rrugë tjetër përveç pranimit të vendimit sepse Kushtetuesja është instanca e fundit e interpretimit
“Ne duhet të jemi të kujdesshëm në interpretimin e vendimit të Kushtetueses. Unë jam habitur nga vendimi i Kushtetueses se si një deputet i mori mandatin 119 deputetëve të tjerë të Kuvendit. Është vendim i Kushtetueses që është instanca e fundit e interpretimit. Ne nuk kemi rrugë tjetër veç ta pranojmë këtë vendim, partitë nuk mund të interpretojnë vendime”, deklaroi Tahiri në T7.
