Kryetari i Komunës së Skenderajt Bekim Jashari ka përkujtuar pjesëtarin e Njësisë Speciale të Policisë së Kosovës, Enver Zymberi, i cili ra heroikisht në mbrojtje të sovranitetit të vendit tonë 9 vjet më parë.
Ai në një postim në Faecbook ka shkruar se Kosova ka nevojë për heronj të tillë për t’i dalë zot kundër të këqijave që sfidojnë vendin.
Postim i plotë:
9 vite pa heroin tonë, pjesëtarin e Njësisë Speciale të Policisë së Kosovës, Enver Zymberi, i cili ra heroikisht në mbrojtje të sovranitetit të Republikës sonë.
Sot kujtojmë e nderojmë jetën dhe veprën e tij, duke shprehë mirënjohje të thellë për sakrificën e dhënë.
Shteti ynë ka nevojë për heronj të tillë për t’i dalë zot kundër të këqijave që po na sfidojnë.
Lavdi heroit Enver Zymberi!
Ndryshe, Enver Zymberi u vra më 26 korrik 2011, kur Qeveria e Kosovës nisi forcat e saja policore për të vënë nën kontroll pikat kufitare Jarinjë e Bërnjak. Një ditë pas vrasjes, ai është shpallur Hero i Kosovës nga ish-presidentja Atifete Jahjaga.
