Shkencëtarët amerikanë nga Instituti Kombëtar i Kancerit kanë kryer kërkime që sugjerojnë se dallimet biologjike midis gjinive janë përgjegjëse për incidencën më të lartë të kancerit te meshkujt.

Një incidencë më e lartë e kancerit te meshkujt është vërejtur tashmë më parë dhe një studim i ri tregon se nuk mund të shpjegohet me faktorë të tillë si pirja e duhanit, konsumi i alkoolit, dieta, aktiviteti fizik ose gjendjet e zakonshme mjekësore që lidhen me një rrezik në rritje të kancerit.

Sipas shkencëtarëve, duket se “fajtorët” kryesorë për fenomenin e vëzhguar janë hormonet seksuale dhe faktorët gjenetikë.

Një rrezik më i lartë i vdekjes nga kanceri u regjistrua edhe te meshkujt. Gjetjet e reja, të publikuara në revistën shkencore Cancer, janë rezultat i një ndjekjeje 16-vjeçare të 171,000 burrave dhe 123,000 grave.

Në fillim të periudhës së vëzhguar, pjesëmarrësit në hulumtim ishin midis moshës 50 dhe 71 vjeç. 17.951 raste të reja me kancer janë zbuluar te meshkujt dhe 8.742 raste të reja te femrat./FrontOnline/