Lajme

Arrihet koalicioni gjithëshqiptarë në Bujanoc, serbët mbesin në opozitë

Arrihet koalicioni gjithëshqiptarë në Bujanoc, serbët mbesin në opozitë
14:10 | 17 Korrik 2020

Me insistimin e ministrit të Jashtëm të Shqipërisë, Gent Cakaj, liderët e partive politike shqiptare në Bujanoc janë bindur që ta nënshkruajnë marrëveshjen e përbashkët për ta drejtuar Komunën, duke e lënë kështu në opozitë SNS-në, partinë e presidentit serb, Aleksandër Vuçiq, raporton portali “Front Online”.

Marrëveshja është nënshkruar në selinë e Partisë Demokratike(PD), sipas së cilës kreu i kësaj të fundit, Nagip Arifi, do të zgjidhet kryetar i ri i Komunës së Bujanocit, përderisa Partia për Veprim Demokratik (PVD) do ta drejtoj Kuvendin Komunal. Poashtu, kreu i LPD-së, Shqiprim Musliu, do të zgjidhet nënkryetar i Komunës së Bujanocit.

Përndryshe, liderët politik në Bujanoc ishin shumë afër marrëveshjes së koalicionit me partinë e Vuçiqit, por gjitha tentativat ranë poshtë me insisitimin e ministrit Cakaj.

Shqiptarët poashtu do t’i kenë edhe tre deputetë në Parlamentin e ri të Serbisë.

/Front Online/

 

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Të tjera