Një person është arrestuar në Prishtinë pasi rekrutoi, strehoi dhe i shfrytëzoi për punë të detyruar 7 viktima të mitur.
Arrestimi i të dyshuarit është bërë dje nën dyshimin se ka kryer Veprën Penale “Trafikim me njerëz”.
Në njoftimin e Policisë së Kosovës thuhet se të miturit ishin kosovarë të gjinisë mashkullore.
Gjatë realizimit të këtij plani për arrestimin e të dyshuarit si prova janë konfiskuar përkohësisht një telefon mobil dhe dy fletore të evidencave .
Viktimat e mitura janë trajtuar sipas Proceduarve Standarde të Veprimit për Viktima të trafikimit, ndërsa me vendim te Prokurorit kujdestar i dyshuari dërgohet në ndalim për 48 orë, për procedura të mëtejme ligjore.
