×
  • Bota/Rajoni
  • Bota/Rajoni

    Aromë paqeje, çka po ndodh mes Turqisë e Greqisë

    FrontOnline
    23 Shtator 2020

    Një erë e lehtë paqeje po fryn këto ditë në Mesdheun Lindor, ku Greqia dhe Turqia janë zotuar se do të rifillojnë bisedimet për gjetjen e një marrëveshjeje.

    Pas tensioneve të fundit për kërkimet nën ujore në atë që konsiderohet prej dy vendeve si zonë ekonomike strategjike, duket se dy shtetet e përfshira në konflikt, po reflektojnë.

    Ministria e jashtme greke ka konfirmuar në një deklaratë se së shpejti palët do të takohet në Stamboll, por nuk dihet se kur.
    Samiti i BE-së, mbahet më 1 dhe 2 tetor teksa në axhendë janë dhe sanksionet për Turqinë.

    Delegacioni grek do të drejtohet nga ambasadori, Pavlos Apostolidis, që do të shënojë dhe raundin e 61-të të bisedimeve eksploruese në Mesdheun Lindor.

    Të parat filluan në vitin 2016, teksa prej atëhere nuk kanë munguar as tensionet.

    Bisedimet

    Me një fjali të vetme në komunikimin e saj zyrtar ministria e Jashtme greke ka njoftuar pasditen e së martës se do të fillojë bisedimet me Ankaranë.

    “Greqia dhe Turqia ranë dakord për fillimin e ciklit të 61 të bisedimeve eksploruese midis dy palëve në Stamboll së shpejti”,- thuhet në deklaratë.

    Secila palë deklaron pozicionimet e saj dhe kërkon të mësojë synimet e palës tjetër. Ndërsa edhe ministria Turke e Mbrojtjes njoftoi se, takimi i pestë teknik midis delegacioneve greke dhe turke në selinë e NATO-s, ka përfunduar dhe takimet e reja do të zhvillohen javën e ardhshme.

    Athina zyrtare deklaron se e vetmja mosmarrëveshje që ka me Turqinë është delemitimi i hapësirave detare dhe ZEE mes dy vendeve, ndërsa Turqia nga ana e saj, ka hedhur shumë çështje në diskutim.

    Më herët, kancelarja gjermane Merkel dhe presidenti i Këshillit Europian, Charles Mishel, zhvilluan një telekonferencë me presidentin turk Erdogan, në kuadrin e përgatitjes së samitit të lartë të BE-së, që u shty për në fillim të tetorit, ku një prej çështjeve do të jetë edhe aktiviteti i Turqisë në Mesdheun Lindor.

    Prapaskenat

    Megjithëse burimet diplomatike në Athinë shprehën optimiste për këtë zhvillim, përsëri ka një vetëpërmbajtje, pasi presidenti turk nga njëra anë i ka thënë kancelares Merkel se, është i gatshëm të fillojë bisedimet me Athinën, nga ana tjetër akuzon Greqinë se, ka pozicionime të papranueshme për kufijtë detar në Egje dhe Mesdhe.

    Madje ndryshimi i qëndrimit të Erdoganit për t’u ulur në tryezën e bisedimeve, cilësohet si një lëvizje që ai bën për të shmangur saknsionet e mundshme që mund të vendoste ndaj Turqisë samiti i lartë i BE, për kërkimet për naftë e gaz që ajo zhvilloi javët e fundit në ujërat detare në Mesdheun Lindor.

    Për këto ujëra, Greqia pretendon së janë nën juridiksionin e saj, veprime që gati sollën një konflikt ushtarak mes dy vendeve.

    Zhvillimet e fundit vijnë edhe pas deklaratës që u diskutua shumë në shtypin grek, të ambasadës amerikane në Ankara, për qëndrimin e saj në lidhje me të ashtuquajturën Kartën e Seviljes, të cilën SHBA nuk e konsiderojnë që të ketë status ligjor edhe në ditët e sotme.

    Ndërkohë, pritet me interes të veçantë edhe telefonata e udhëheqësit turk me homologun e tij francez Makron, që do jetë edhe biseda e parë pas kritikave me tone të ashpra që kanë shkëmbyer dy liderët, për gjendjen në rajon

    Prince Espresso miku më i mirë i yjeve të Sunny Hill Festival
    Nga Rubrika
    Bota/Rajoni25 Shkurt 2024
    Presidenti ukrainas, Volodymyr Zelenskyy, ka falënderuar presidentit shqiptar, Bajram Begaj për solidaritetin me Ukrainën. “Faleminderit për fjalët tuaja të mira dhe solidaritetin...
    Bota/Rajoni25 Shkurt 2024
    Një ngjarje e rëndë ka ndodhur mëngjesin e kësaj të diele në Spitalin e Traumës. Policia e Tiranës njofton se një 47-vjeçar...
    Bota/Rajoni25 Shkurt 2024
    Kryesuesi i ekipit të Serbisë në dialog, Petar Petkoviq, ka bërë të ditur se do të marrë pjesë në raundin e ri...
    Të tjera
    Vip25 Shkurt 2024
    Moderatorja dhe këngëtarja e njohur Luana Vjollca është mjaftë aktive në mediat sociale. Ajo ka befasuar ndjekësit teksa publikon një video ku...
    Vip25 Shkurt 2024
    Silvi Forte është banori më i ri i shtëpisë së Big Brother Vip, i cili u fut mbrëmjen e djeshme, së bashku...
    Bota/Rajoni25 Shkurt 2024
    Policia shqiptare ka arrestuar një 30-vjeçar në Kavajë, nën dyshimin se bashkë me vëllain e tij pasi e rrahën një 25-vjeçar e...
    Sport25 Shkurt 2024
    Më 25 mars, kombëtarja e Shqipërisë do ta luajë një ndeshje miqësore kundër Suedisë. Ndeshja do të zhvillohet në ora 19:00 në...
    Bota/Rajoni25 Shkurt 2024
    Bjellorusia po mban sot zgjedhje parlamentare dukshëm të kontrolluara dhe nën masa të larta të sigurisë në qendrat e votimit, për të...
    Bota/Rajoni25 Shkurt 2024
    Ministri i Brendshëm i Shqipërisë, Taulant Balla, ka njoftuar se brenda 24 orëve janë arrestuar 15 persona. Ai me këtë rast ka...

    FrontOnline, © 2024 Të gjitha të drejtat e rezervuara.