×
  • Lajme
  • Kronika
  • Kronika

    Apeli merr vendim për të akuzuarin që fotografoi votën në zgjedhjet e 6 tetorit

    FrontOnline
    20 Gusht 2020

    Gjykata e Apelit, Departamenti për Krime të Rënda, ka refuzuar ankesën e të akuzuarit për cenim të fshehtësisë së votimit, Xhemajl Kadiri, duke vërtetuar kështu aktgjykimin e Gjykatës Themelore në Gjakovë.

    Ai akuzohej se në vendvotimin e vendosur në shkollën e mesme “Xhelal Hajda”, në mënyrë të kundërligjshme e cenon fshehtësinë e votimit, ashtu që përkundër faktit se njoftohet nga komisionerët se fotografimi i fletëvotimit është i ndaluar, i pandehuri përgjigjet “se kjo është e drejtë e imja”, dhe e fotografon votën, raporton “Betimi për Drejtësi”.

    Për këtë, Gjykata Themelore në Gjakovë më 10 mars 2020 kishte marr aktgjykim me të cilin Kadirin e kishte shpallur fajtor, me ç’rast ndaj tij kishte shqiptuar dënim me kusht në kohëzgjatje prej 4 muajsh.

    Sipas themelores, dënimi me burgim nuk do të ekzekutohej nëse i akuzuari nuk kryen ndonjë vepër tjetër penale brenda periudhës verifikuese prej një viti.

    Por, i pakënaqur me aktgjykimin e shkalës së parë kishte qenë i akuzuari, i cili përmes ankesës kishte kërkuar nga Gjykata e Apelit që aktgjykimi e shkallës së parë të prishet dhe çështjen ta kthejë në rivendosje, apo ta ndryshojë aktgjykimin dhe të akuzuarin ta lirojë nga akuza.

    Kjo me pretendimin se aktgjykimi i shkallës së parë është përfshirë në shkelje esenciale të dispozitave të procedurës penale, si dhe nuk është vërtetuar drejtë gjendja faktike.

    Përmes ankesës ai ka kërkuar edhe zbutjen e dënimit, me pretendimin se dënimi i shqiptuar është tejet i lartë.

    Por sipas Apelit, një ankesë e tillë është e pabazuar, raporton “Betimi për Drejtësi”.

    “Gjykata e Apelit e Kosovës i refuzoi si të pabazuara pretendimet ankimore të mbrojtësit të akuzuarit lidhur me sanksionin penal, ndërsa aktgjykimin e atakuar e vërtetoi me bindje se me dënimin e shqiptuar nga ana e gjykatës së shkallës së parë do të arrihet qëllimi i dënimit”, thuhet në aktgjykim.

    Sipas aktakuzës së Prokurorisë Themelore në Gjakovë, e ngritur më 29 tetor 2019, Xhemajl Kadiri ngarkohej me veprën penale “cenim i fshehtësisë së votimit” nga neni 215 paragrafi 1 të KPRK-së.

    Sipas aktakuzës, më 6 tetor 2019, rreth orës 10:00 në Rahovec, pikërisht në vendvotimin 1602A/03D të vendosur në shkollën e mesme “Xhelal Hajda”, në mënyrë të kundërligjshme e cenon fshehtësinë e votimit në zgjedhjet nacionale të vitit 2019 për deputetë në Parlamentin e Republikës së Kosovës.

    Në aktakuzë thuhet se në ditën kritike pasi ka plotësuar fletëvotimin, me telefonin e tij e ka fotografuar dhe pasi është njoftuar nga ana e komisionerit zgjedhor të vendvotimit se fotografimi i fletëvotimit është i ndaluar, i pandehuri përgjigjet “se kjo është e drejtë e imja”, ku për rastin më pas është njoftuar policia dhe i njëjti është arrestuar.

     Petrol Company  prin me çmime me të lira në derivate dhe shumë oferta të tjera
    Nga Rubrika
    Lajme29 Shkurt 2024
    Për të premten parashikohet të mbajë mot me vranësira të shpeshta dhe intervale me diell, ku priten edhe reshje lokale shiu, të...
    Lajme29 Shkurt 2024
    Kryeministri i Kosovës, Albin Kurti ka treguar arsyen se pse nuk mori pjesë në samitin për Ukrainën që u mbajt në Tiranë....
    Lajme29 Shkurt 2024
    Kryeministri i Maqedonisë së Veriut, Talat Xhaferi, deklaroi se imazhi i Kosovës në sytë e ndërkombëtarëve nuk është në të njëjtat nivele...
    Të tjera
    Lajme29 Shkurt 2024
    Në emisionin “Pressing” të T7 janë të ftuar dy deputetë të Partisë Demokratike të Kosovës (PDK), Bekim Haxhiu dhe Ariana Musliu-Shoshi, përballë...
    Lajme29 Shkurt 2024
    Mbrëmjen e së enjtes, në Vushtrri një shtëpi është kapluar nga zjarri derisa janë raportuar vetëm dëme  materiale. Zëdhënësi i Policisë së...
    Bota/Rajoni29 Shkurt 2024
    Aleatët politikë të presidentit turk, Rexhep Tajip Erdogan duan të rimarrin kontrollin e Stambollit në zgjedhjet lokale të marsit. Mediat e pavarura...
    Lajme29 Shkurt 2024
    Gjykata Themelore në Prizren ua ka vazhduar masën e paraburgimit edhe për nga dy muaj katër të dyshuarve për grabitjen në Suharekë,...
    Lajme29 Shkurt 2024
    Deputeti i PDK-së, Bekim Haxhiu, tha se në shëndetësi nuk ka zhvillim nga Qeveria Kurti, por sipas tij ka vetëm degradim. Sipas...
    Sport29 Shkurt 2024
    Edon Zhegrova po kalon një sezon të karrierës te Lille në elitën e futbollit francez. Ylli kosovar është prej futbollistëve më të...

    FrontOnline, © 2024 Të gjitha të drejtat e rezervuara.