Ambasadori amerikan Anthony Godfrey është shprehur optimist për zgjidhjen përfundimtare të problemeve në mes Kosovës dhe Serbisë, por se njerëzit duhet ta kuptojnë se çfarë përfitimesh ekonomike do të kenë pas marrëveshjes.

“Mund të bëjmë përparime nëse përqendrohemi në gjëra specifike që janë në interes të të gjithëve. Grenell është një njeri energjik, i cili beson se nëse prezantojmë stimulimet ekonomike, nëse njerëzit në rajon e kuptojnë se çfarë përfitimesh ekonomike do të kenë dhe nëse i heqim dallimet politike, ata do të jenë më të motivuar për dialog”, ka deklaruar Anthony Godfrey, ambasadori amerikan në Serbi.

Ai ka deklaruar për televizionin serb TV Përva se Matthew Palmer (emisari special për Ballkanin Perëndimor) e kupton në detaje politikën, historinë dhe kulturën e këtij rajoni, dhe me Palmerin dhe Grenellin shihet se sa është i interesuar Uashingtoni për t’i zgjidhur gjërat këtu./insajderi/