Përfaqësuesja e Kosovës ka pësuar humbje të hidhur sonte në Volos të Greqisë.

Në “Panthessaliko Stadium”, “Dardanët” ishin sonte mysafirë të Greqisë, shkruan FrontOnline.

Ndeshja e vlefshme për grupin 2 të Ligës C të Kombeve i takoi helenëve 2:0.

Kosova pëson humbje të hidhur nga Greqia në “Panthessaliko Stadium”

Pas ndeshjes, trajneri i Kosovës, Alain Giresse e “pranon” në njëfarë mënyre humbjen me Greqinë, duke deklaruar se këto janë mundësitë e “Dardanëve”.

“Kjo ndeshje e komplikon punën. Ishte shumë e vështirë përballë Greqisë. Nuk e patëm në kontroll topin, kishim shumë vështirësi, sidomos gjatë pjesës së parë. Tentuam pak në pjesën e dytë, por nuk ia dolëm”, tha fillimisht Giresse në SSK, përcjell FrontOnline.

“Duhet të punojmë shumë për t’u përmirësuar, për të rritur potencialin e lojtarëve. Sot u ndie mungesa u lojtarëve. Kemi nevojë për kontributin e gjithsecilit për të përballuar një ekip si Greqia”, tregoi ai.

Zyrtare: Kosova nuk ka gjasa për pozitën e parë, Greqia matematikisht është fituese e grupit

“Kemi tentuar të ndryshojmë lojën gjatë pjesës së dytë, kemi tentuar të ndryshojmë formacionin, por gjendja e tillë është, duhet të shohim përpara”, shtoi francezi.

Ndryshe, Kosova e mbyll muajin qershor me dy fitore dhe dy humbje në Ligën e Kombeve./FrontOnline/