Përfaqësuesja e Kosovës ka pësuar humbje të hidhur sonte në Volos të Greqisë.

Në “Panthessaliko Stadium”, “Dardanët” ishin sonte mysafirë të Greqisë, shkruan FrontOnline.

Ndeshja e vlefshme për grupin 2 të Ligës C të Kombeve i takoi helenëve 2:0.

Me këtë fitore, Greqia është lidere e grupit me 12 pikë, kurse Kosova zë vendin e dytë me gjashtë sosh.

Kur kanë mbetur edhe dy xhiro, kjo nëkupton se Kosova edhe zyrtarisht nuk ka gjasa për vendin e parë, andaj Greqia si fituese kalon në Ligën B nga edicioni i radhës.

Irlanda e Veriut dhe Qipro, nga ana tjetër, zënë vendet e fundit me nga dy pikë.

Ndryshe, Kosova e mbyll muajin qershor me dy fitore dhe dy humbje në Ligën e Kombeve./FrontOnline/