Përfaqësuesja e Kosovës ka pësuar humbje të hidhur sonte në Volos të Greqisë.
Në “Panthessaliko Stadium”, “Dardanët” ishin sonte mysafirë të Greqisë, shkruan FrontOnline.
Ndeshja e vlefshme për grupin 2 të Ligës C të Kombeve i takoi helenëve 2:0.
Golat për Greqinë i shënuan Giakoumakis në minutën e 71-të të ndeshjes dhe Mantalos (’90+7).
Kosova kishte mungesa të theksuara sonte, por që ia doli ta bëjë një paraqitje të dinjitetshme.
Vlen të ceket se edhe tifozët e Kosovës sonte të pranishëm në stadium ishin cak i sulmeve nga tifozët grek.
Madje, në një moment, edhe ndeshja ishte ndërprerë.
Ndryshe, Kosova e mbyll muajin qershor me dy fitore dhe dy humbje në Ligën e Kombeve./FrontOnline/