Një aksident me pasojë vdekjen ka ndodhur ditën e sotme në Durrës. Ngjarja ka ndodhur tek mbikalimi i Shën Vlashit.
45-vjeçari ishte duke drejtuar motoçikletën kur humbi kontrollin e doli nga rroga.
Ai u dërgua menjëherë në spital por nuk mundi të mbijetonte.
“Më datë 19.08.2020, rreth orës 10:00, tek mbikalimi i Shën Vlashit, Durrës, shtetasi Sh.Z., 45 vjeç, duke drejtuar motomjetin, ka humbur kontrollin, e për pasojë ka dalë nga rruga. Menjëherë është dërguar me autoambulancë në Spitalin e Durrësit, por si pasojë e plagëve të marra ka ndërruar jetë,” informon policia.
Grupi hetimor ndodhet në vendngjarje dhe po punon për zbardhjen e ngjarjes.
