Ferizaj është qyteti më i prekur nga Coronavirusi, deri më tani janë 98 raste, raporton Front Online.
Kjo komunë është shpallur zonë në karantinë, mirëpo, pavarësisht kësaj, kryetari i Ferizajt, Agim Aliu ka kërkuar që të hiqet nga karantina, shkruan Front Online.
Bekim Ademi, drejtor i Shëndetësisë dhe Mirëqenies Sociale në këtë Komunë, ka deklaruar për “Front Online” se shpreson që Ferizaj të hiqet shumë shpejt nga karantina.
“Sa i përket kërkesës për heqjen e karantinës, kjo është kompetencë e Institutit Shëndetit Publik, shpejt shpresojmë të hiqet”, tha ai për Front Online.
Ademi foli edhe për gjendjen shëndetësore të pacientëve me Covid-19 në këtë komunë.
“Gjendja është stabile dhe gjithë të konfirmuarit me Covid -19 janë me shëndet të mirë, dhe pa simptome të theksuara!”, shtoi ai
Ai tha se furnizimet në këtë komunë janë të kënaqeshe.
“Furnizimet janë të kënaqeshe sepse kemi siguruar me buxhetin komunal”, përfundoi ai për Front Online
Aktualisht Kosova regjistron 799 raste të konfirmuara me Covid-19, 249 të shëruar dhe 22 viktima./Front Online/
